Avropa İttifaqının Gürcüstandakı səfiri Pavel Herçinski Avropa İttifaqının bütün səfirləri ilə birlikdə Rusiya ilə birbaşa uçuşların bərpası ilə bağlı demarş etmək üçün baş nazirin müavini, iqtisadiyyat naziri Levan Davitaşvili ilə görüşəcək.

Aİ-nin Gürcüstandakı nümayəndəliyindən verilən məlumata görə, görüş bu gün, mayın 29-da saat 17:00-da keçiriləcək. Demarş Aİ-nin 27 ölkəsi adından həyata keçirilir.

Mayın 10-da Rusiya Gürcüstana birbaşa uçuşlara qoyulan məhdudiyyətləri aradan qaldırıb. Bu qərar Moskvada “humanitar” adlanırılıb.

Gürcüstan hökuməti Moskvanın qərarını alqışlayır və bunun Rusiyada yaşayan “milyonlarla gürcü”nün həyatını asanlaşdıracağını bildirir. Hökumət həmçinin bildirir ki, yalnız sanksiyaya məruz qalmayan şirkətlər və təyyarələr uça biləcək. Bəzi siyasətçilər və vətəndaşlar hava hərəkətinin bərpasına etiraz edirlər.

Artıq üç şirkət - Rusiyanın "Azimut", "Red Wings" və Gürcüstanın "Georgian Airways" aviaşirkətləri uçuşlar üçün icazə alıb.

ABŞ və Avropa İttifaqı uçuşların bərpasına tənqidi yanaşır.