Bağçalara qeydiyyatın birinci mərhələsi iyunun ayının 30-da başa çatacaq. Bu barədə “Marneuli” radiosuna müsahibəsi zamanı Uşaq Bağçaları Birliyinin rəhbəri Zaur Kərəmov məlumat verdi.

Kərəmovun sözlərinə görə, uşaqlarını bağçaya qeydiyyatdan keçirmək istəyən valideynlər Marneuli Uşaq Bağçaları Birliyinə və bağçaya müraciət edə bilərlər.

“Bağçalara qeydiyyatın ikinci mərhələsi avqustun 21-dən sentyabrın 1-ə qədər olacaq. Ondan sonra isə ehtiyatda olan uşaqların

sayı azaldıqca mərhələli şəkildə qeydiyyat aparırıq. Şəhər bağçalarında qeydiyyat hal-hazırda mərkəzdə olunur. Amma kəndlərdə qeydiyyat bağçalarda aparılır”.

Bağçalara qeydiyyat üçün hansı sənədlər tələb olunur?

• Uşağın doğum haqqında şəhadətnaməsinin notarial qaydada təsdiqlənmiş surəti
• Sağlamlıq haqqında arayış
• 4 ədəd fotoşəkil (3/4)
• Valideynin şəxsiyyət vəsiqəsinin surəti
• Yaşayış yerindən arayış

Bundan başqa:

• Sosial statuslu ailə olduğu haqda arayış və ya məcburi köçkün olduğu halda sənədin təqdim olunması
• Eyni zamanda məhdud imkanlı şəxslərin statusunu təsdiq edən sənəd lazımdır.

Qeyd edək ki, bağçalara qeydiyyat 1 iyun tarixindən başlayıb. Qeydiyyat prosesi həftə içi hər gün saat 9:00-dan 17:00-a kimi davam etdirilir.