Polis Tbilisidə qətl işi açıb - bir nəfər saxlanılıb. Daxili İşlər
Nazirliyindən verilən məlumata görə, Tbilisi RPŞ əməkdaşlarının
keçirdikləri əməliyyat tədbirləri və əməliyyat-istintaq tədbirləri
nəticəsində isti izdə 1992-ci il təvəllüdlü N.L. ailə üzvünə qarşı
qəsdən adam öldürmə ittihamı ilə saxlanılıb.
Onların məlumatına görə, cinayət 16 ildən 20 ilədək və ya ömürlük
azadlıqdan məhrumetmə ilə cəzalandırılır.
“İstintaqla müəyyən edilib ki, təqsirləndirilən şəxs
şəxsi avtomobilində, qarşılıqlı mübahisə zəminində keçmiş həyat
yoldaşı - 1996-cı il təvəllüdlü M.M.-nı kəndirlə boğub öldürüb.
Cinayəti ört-basdır etmək üçün təqsirləndirilən şəxs ertəsi gün
meyiti icarəyə götürdüyü avtomobilin yük yerinə qoyub, Qldani
həbsxanasının yaxınlığına gedərək onu dərəyə atıb.
Daxili işlər orqanları əməkdaşlarının keçirdikləri istintaq
hərəkətləri nəticəsində təqsirləndirilən N.L. hadisədən az sonra
saxlanılıb.
Ailə üzvünə qarşı törədilən qəsdən adam öldürmə faktı Gürcüstan
Cinayət Məcəlləsinin 11 Prima 109-cu maddəsi ilə
araşdırılır”, - məlumatda deyilir.