Dünya şöhrətli amerikalı aktyor Con Malkoviç Tbilisidə çıxış
edəcək.
O, bu ilin 22 sentyabr-18 oktyabr tarixində keçiriləcək Tbilisi
Beynəlxalq Teatr Festivalının ən gözlənilən iştirakçısı olacaq.
Aktyor festivalın “Pambıq tarlalarının tənhalığında” adlı əsas
tamaşasında tanınmış aktrisa, Litva kinosunun ulduzu İnqeborqa
Dapkunayte ilə birgə səhnəni bölüşəcək.
Qeyd edək ki, ənənəvi proqramı gürcü və beynəlxalq olmaqla iki
hissədən ibarət olan festivalda Polşa, Latviya, İspaniya, Belçika,
Almaniya, Ukrayna və Gürcüstandan olan truppalar iştirak edəcək.
Beynəlxalq tədbir çərçivəsində master-klasslar, treninq və
müzakirələr də təşkil olunacaq.
Mənbə: mediapost.az