Qondarma Qarabağ respublikası atəşi dayandırmağa və tərksilah olmağa razılaşıb - media
Qondarma Qarabağ Respublikası Rusiya sülhməramlılarının atəşi dayandırmaq və döyüş hissələrini tərksilah etmək təklifini qəbul edib, BBC-nin Rusiya xidməti de-fakto respublikanın informasiya mərkəzinin bəyanatına əsasən xəbər verir. Nəşrin məlumatına görə:

“İki gün şiddətli döyüşlər getdi. Artsax silahlı qüvvələrinin bölmələri özlərini qəhrəmancasına müdafiə edərək canlı qüvvə və texnika baxımından onlardan bir neçə dəfə çox olan düşmənə böyük itkilər verdilər. Təəssüf
ki, Artsaxın da itkiləri, yaralıları var. Bəzi hissələrdə rəqib müdafiə qüvvələrinin mövqelərini yarmağa, bir sıra yüksəklikləri və yolların strateji qovşaqlarını tutmağa müvəffəq olub”,
- məlumatda deyilir.

Qondarma Qarabağa görə, məhz bu səbəbdən qondarma hökumət “Rusiya sülhməramlı missiyasının rəhbərliyinin atəşkəslə bağlı təklifini qəbul edib”.

Rusiya ilə razılaşmaya əsasən, hərbi əməliyyatlar bu gün, sentyabrın 20-də saat 13:00-da dayandırıldı.

Bəyanatda qondarma Qarabağ ordusunun tərksilah ediləcəyini, ağır texnikanın qondarma respublika ərazisini tərk edəcəyini də oxuyuruq.

Bundan əlavə, sentyabrın 21-də Yevlax şəhərində Azərbaycan tərəfinin nümayəndələri ilə Qarabağın erməni əhalisinin “reinteqrasiya” və hüquq və təhlükəsizliyinin təmin edilməsi məsələləri müzakirə olunacaq.

Mənbə: Netgazeti
Print Email
FaceBook Twitter Google