Ətraf Mühitin Mühafizəsi və Kənd Təsərrüfatı Nazirliyinin ekoloji nəzarət şöbəsinin əməkdaşları Sameqreloda qanunsuz balıq ovu faktını aşkar ediblər.

Bu barədə Ekoloji Nəzarət Departamenti məlumat yayıb.

Onların məlumatına görə, departamentin Sameqrelo-Zemo Svaneti regional bölməsinin əməkdaşları Poti şəhərində, Kaparçina çayında iki vətəndaşı elektrik cərəyanı qurğusu ilə motorlu qayıqda qanunsuz balıq tutması faktına görə ifşa ediblər. Qanun pozucuları qanunsuz olaraq 34,65 kiloqram kefal balığı əldə ediblər.

“Şöbənin əməkdaşları qayığı, toru, elektrik şoku aparatı, 3 ədəd akkumulyator və qanunsuz yolla əldə edilmiş balıqları möhürləyib.

Materiallar əlavə baxılması üçün aidiyyəti quruma göndərilib.

Qanunsuz balıq ovunun aşkarlanması və qarşısının alınması Ekoloji Nəzarət Departamentinin prioritet istiqamətlərindən biridir. Şöbənin əməkdaşları tərəfindən brakonyerliyə qarşı mübarizə tədbirləri çərçivəsində 2023-cü il yanvarın 1-dən oktyabrın 1-dək qanunsuz balıq ovu ilə bağlı 575 fakt aşkar edilərək, onlardan 167-də cinayət tərkibi müəyyən edilib və materiallar aidiyyəti üzrə istintaqa göndərilib, - açıqlanan məlumatda qeyd olunur.