Milli Statistika Xidmətinin ilkin hesablamalarına görə, Gürcüstan iqtisadiyyatı 2023-cü ilin oktyabr ayında 6,2% artıb ki, bu da bizim gözləntilərimizə uyğundur.

Oktyabr ayında artım əsasən xidmət sektorlarının hesabına baş verib ki, bunlardan maliyyə fəaliyyəti, ticarət və nəqliyyat sektorları yüksək töhfə ilə seçilib.

Ümumilikdə 2023-cü ilin yanvar-oktyabr aylarında iqtisadi artım 6,9% təşkil edib.

Cari ilin yüksək iqtisadi artımı daha çox xarici valyuta daxilolmaları və inflyasiyanın azalması nəticəsində alıcılıq qabiliyyətinin artması ilə bağlıdır. Bundan əlavə, larinin sabit məzənnəsi istehlakçı və biznes əhval-ruhiyyəsinə müsbət təsir göstərir. Nəticədə, ÜDM-ə töhfəsi artan biznes fəaliyyəti və özəl sektorun istehlakı sürətlənir. Həmçinin qeyd etmək lazımdır ki, hökumətin infrastruktur xərcləri yüksək səviyyədə qalır (iqtisadiyyatın həcminə münasibətdə büdcədə 8,6% nəzərdə tutulub).

Bizim proqnozumuza görə, Gürcüstan iqtisadiyyatı 2023-cü ildə 6,8% artacaq və iqtisadiyyatın həcmi 80 milyard lariyə çatacaq ki, bu da 30,3 milyard ABŞ dollarına bərabərdir. Bundan əlavə, adambaşına düşən ÜDM 8108 ABŞ dollarına bərabər olacaq və Gürcüstan Qafqaz regionunda lider mövqe tutacaq.