Baş nazir İrakli Kobaxidzenin sözlərinə görə, Avropa çempionatına çıxışa futbol komandaları üçün standart mükafat 850 min laridən 3 milyon lariyə yüksələcək.

O, bu barədə hökumətin bu gün, mayın 20-də keçirilən iclasında məlumat verib.

“Avropa çempionatında iştirak edən milli komandalara 850 min lari məbləğində bonus nəzərdə tutulub. Mədəniyyət və İdman Nazirliyi ilə müzakirə etdik və qərara gəldik ki, mükafatın məbləği 3 milyon lariyə çatdırılsın, 3 milyon lari ayrılacaq. Bu fərman bu gün nəzərdən keçirilir və biz sizin dəstəyinizə ümid edirik”, - deyə İrakli Kobaxidze bildirib.
Bundan əlavə, Kobaxidze Avropa çempionatı üçün dövlət tərəfindən subsidiyalaşdırılan uçuşlar barədə də danışıb və qeyd edib ki, 3000 azarkeş güzəştli bilet almaq imkanı əldə edəcək.

Onun sözlərinə görə, subsidiyalaşdırılmış uçuşlar tarixlərə uyğunlaşdırılacaq və Almaniyanın Dortmund, Hamburq, Köln və Düsseldorf şəhərlərinə birbaşa uçuşlar həyata keçiriləcək.

“Təxminən 2000 azarkeş üçün Tbilisi Beynəlxalq Hava Limanından, təxminən 1000 azarkeş üçün isə Kutaisi Beynəlxalq Hava Limanından birbaşa uçuşlar həyata keçiriləcək. Subsidiya ilə bir yolun qiyməti 195 avro olacaq, gediş-qayıdış 390 avro olacaq. Azarkeş öz səyahət cədvəlini təşkil etmək, biletləri öz cədvəlinə uyğunlaşdırmaq imkanı əldə edəcək, o, bir, iki və ya üç matça qatıla bilər və uyğun biletləri almaq çevikliyinə malik olacaq.

Futbol matçına bilet almış vətəndaşlar bu biletləri əldə edə biləcəklər. Aviabileti alarkən müvafiq matç bileti təqdim edilməlidir. Biletləri həftənin sonuna kimi müvafiq elektron platformada satışa çıxaracağıq. Bu barədə yaxın günlərdə ictimaiyyətə ətraflı məlumat təqdim edəcəyik. Həftənin sonuna kimi elektron platformada 3000 bilet satışa çıxarılacaq. Bir yolun qiyməti 195 avro olacaq”, - deyə İrakli Kobaxidze bildirib.

Məlum olduğu kimi, “Kartu” xeyriyyə fondu Gürcüstanın milli futbol komandasının Avropa çempionatının qrupuna çıxacağı təqdirdə onlara mükafat olaraq 30 milyon lari verəcəyini vəd edir.

Bundan başqa, qrupa çıxdıqdan sonra hər görüşdə qalib gəldiyi təqdirdə komanda əlavə 30 milyon lari qazanacaq.

Gürcüstan millisi Avropa çempionatında Türkiyə, Çexiya və Portuqaliyanın da yer aldığı qrupda mübarizə aparacaq. Qrupdan 2 komanda çıxsa da, üçüncü yeri tutan komandanın da şansı olacaq.

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin! +995557994415

---

---

“Gürcü Arzusu” bir daha “Rusiya qanununu” qəbul etməyi planlaşdırır. Həmin qanun 2023-cü ilin mart ayında kütləvi etirazlar nəticəsində geri çəkilmişdi. “Gürcü Arzusu” ötən il vəd vermişdi ki, “Rusiya qanunu” Parlamentə qaytarmayacaqlar. Amma vədi pozublar. “Gürcü Arzusu” qanun layihəsinin ilkin formasından yalnız “agent” sözünü çıxarıb və onu xarici maraqların daşıyıcısı ilə əvəz edib.
Qanuna görə, gəlirinin 20%-dən artığı xaricdən əldə olunan bütün QHT və media təşkilatlar xarici qüvvələrin maraq daşıyıcısı hesab olunurlar. Dövlət bu təşkilatların fəaliyyətini və məqsədlərini araşdırmayacaq, onların hamısına xarici qüvvələrin maraq daşıyıcısı adını verəcək.
Qanun sivil ölkələrdə olduğu kimi düşmən əhval-ruhiyyəli ölkələrdən gələn maliyyəyə deyil, Avropa və Amerikadan gələn maliyyəyə istiqamətlənib.
Qanunun irəli sürülməsinə görə, Avropa İttifaqı üzvləri və Gürcüstanın dost ölkə liderləri öz təəccüblərini bildiriblər, Rusiya Prezidentinin mətbuat katibi isə “Gürcü Arzusu”-nun qanununu bəyənib.