Marneuli bələdiyyəsinin Kürtlər kəndində qum karxanası Xram çayının yatağını dəyişərək, öz texnikalarının hərəkəti üçün yol salmaq istəyir. Buna görə də kənd sakinləri etiraz edirlər. Bu gün, 10 avqust tarixində Xram çayının sahilinə toplaşmış Kürtlər sakinləri “Marneuli” radiosu ilə söhbət zamanı bildirdilər ki, qum karxanası kəndin ərazisində illərdir ki, qazıntı işləri aparır. Onların sözlərin görə, kənddə karxananın olması onlara problemlər yaradır.

“İllərdir ki, karyer kəndimizin ərazisində qazıntı işləri aparır. Hər yeri qazıb töküblər. İndi də qeyri-qanuni olaraq öz texnikalarının hərəkəti üçün çayın səmtini dəyişərək, yol salırlar. Əgər çay daşarsa, bizim kəndin torpağını su yuyub aparacaq. Mal-qaramızı burda otarırıq, çayın kənarına gətirib sulayırıq”, – kənd sakini bildirdi.

Karxana Aşağı Qullar ərazisində yerləşir. Sakinlərin sözlərinə görə, şirkət karxanadan bir neçə kilometr aralıda torpaq sahəsi alıb və indi istəyir ki, aldığı torpaqdan karxanaya çınqıl daşısın.

"Bildiyimizə görə, Qullarda yerləşən karxana bizim kənddən aşağıda torpaq sahəsi alıb. Oradan həmin çınqılı daşıyıb karyerə aparmaq istəyir. Qullar camaatı da həmin karyerə kəndin içindən istifadə etməyə icazə verməyib. İndi də bu yola əl atıblar, çayın səmtini dəyişib bizim kənd tərəfə salıblar. Əgər indi bunun qarşısı alınmasa, sabah bütün buraları da qazacaqlar. Hələ indidən pis gündədir. Qazılıb tökülüb".

Hadisə yerinə Ətraf Mühitin Mühafizəsi və Kənd Təsərrüfatı Nazirliyinin Ekoloji Nəzarət Departamenti əməkdaşları gəliblər. Onlar da kənd sakinlərinin problemini dinləyərək, protokol yazıblar. Departament əməkdaşları sakinlərə onu da bildiriblər ki, məsələ araşdırılacaq və şirkətin bu ərazidə qazıntı işləri aparmışının qanuni olub-olmadığına daha sonra qərar veriləcək.

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin! +995557994415

---