Gürcüstan Prokurorluğu Lançxuti bələdiyyəsində bir nəfərə qarşı xüsusi amansızlıqla qəsdən adam öldürmə faktına görə ağırlaşdırıcı şəraitdə ittiham aktı açıb.
İndiyə qədər Daxili İşlər Nazirliyi yazırdı ki, həmin şəxs 108-ci maddədə nəzərdə tutulmuş qəsdən adam öldürmə, 10 ildən 15 ilədək azadlıqdan məhrumetməni nəzərdə tutan cinayətdə ittiham olunur. İndi 1986-cı il təvəllüdlü D.T.-ni 16 ildən 20 ilədək və ya ömürlük həbs cəzası gözləyir.

“Daxili İşlər Nazirliyi tərəfindən aparılan istintaq tədbirləri ilə müəyyən edilib ki, avqustun 8-də Lançxuti şəhərində təqsirləndirilən şəxs zərərçəkmişi kəndirlə boğub, bundan sonra küt və kəsici-deşici əşyalardan istifadə etməklə bədəninə xəsarətlər yetirib. Aldıqları xəsarətlər nəticəsində zərərçəkən yerindəcə keçinib”, - prokurorluq bildirib.

Hüquq-mühafizə orqanlarının əməkdaşları təqsirləndirilən şəxsi avqustun 9-da saxlayıblar. O, Gürcüstan Cinayət Məcəlləsinin 109-cu maddəsinin 16 ildən 20 ilədək və ya ömürlük həbs cəzasını nəzərdə tutan “m” (qəsdən adam öldürmə, xüsusi amansızlıqla törədildikdə) bəndi ilə ittiham olunub. Prokurorluğun vəsatəti əsasında təqsirləndirilən şəxs barəsində artıq həbs qətimkan tədbiri seçilib.

Mərhumun ailəsinin qohumunun verdiyi məlumata görə, təqsirləndirilən şəxs hadisə baş verən gün mərhumun fermasına gələn, yemək və içki ilə əyləndiyi keçmiş hərbçidir. Özünün verdiyi məlumata görə, daha sonra ayıq olmayan təqsirləndirilən şəxs həmin şəxsi döyərək işgəncə verib və bunu əks etdirən foto və videolar çəkib. Daha sonra o, polis bölməsinə gedərək, hüquq-mühafizə orqanlarının əməkdaşlarına bir nəfəri döydüyünü bildirib və “əgər bacarsalar, sağ ikən ona çata biləcəklərini” bildirib.