Marneuli Televiziyasının sahibi 4 ay ərzinə iki dəfə dəyişib. Şirkətin 100%-lik səhmlərinin sahibi Tornike Çabaloşvili olub, keçmiş sahibi Zaza Babluani isə icraçı direktor vəzifəsinə keçib.

8 iyul tarixində yayımlanan kommersiya və qeyri-kommersiya hüquqi şəxslər reestrinin məlumatına görə, Tornike Babaloşvili teleşirkəti Zaza Babluanidən tam alıb. Alqı-satqıda məbləğ qeyd olunmayıb.

Sənədə əsasən, Tornike Çabaloşvili baş direktor, Zaza Babluani isə icraçı direktordur.

Qeyd edək ki, Marneuli Televiziyası bu il artıq ikinci dəfə sahibini dəyişib. İlk əvvəl teleşirkəti Zaza Babluani 2 aprel tarixində Şalva Şubladzedən alıb. Nəticədə Zaza Babluani Zviad Keçağmadze ilə birlikdə teleşirkətə rəhbərlik edirdi.

Televiziyanın veb-səhifəsindəki məlumata görə, Marneuli teleşirkəti Məhdud Məsuliyyətli Cəmiyyət “Marneuli TV” olaraq 2006-cı ilin 1 iyun tarixində yaradılıb. Televiziya Marneulidə MMC olaraq qeydiyyatdan keçənə qədər də fəaliyyət göstərib. Şalva Şubladze 25 il ərzində televiziyaya rəhbərlik edib.

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin! +995557994415

---