Marneulinin “Tsereteli” futbol komandası Tetritskaronun “Lile” komandası ilə Marneulinin mərkəzi stadionunda qarşılaşacaqlar. Marneuli meriyası tərəfindən yayımlanmış məlumata görə, həvəskar futbol liqası regional mərhələsi çərçivəsində “Tsereteli” və “Lile” arasında görüş 13 sentyabr tarixində, saat 17:00-da baş tutacaq.

“Həvəskarlar liqası Gürcüstan Həvəskarlar Futbol Assosiasiyası və Gürcüstan Futbol Federasiyası, Gürcüstan Futbolunun İnkişafı Fondunun qarşılıqlı əməkdaşlığı ilə keçirilir”, – Marneuli meriyasının məlumatında qeyd olunub.

Marneuli yerli özünüidarəsi “Tsereteli” komandasına 24 cüt futbol ayaqqabısı alıb. Marneuli meriyası ayaqqabıların alınması üçün “Çempion” MMC ilə sadələşdirilmiş müqavilə bağlayıb.

“Xatırladaq ki, Gürcüstanın Həvəskarlar Futbol Assosiasiyası və Gürcüstan Futbol Federasiyası, Gürcüstan Futbolunun İnkişafı Fondu, Gürcüstan Təhsil, Elm, Mədəniyyət və İdman Nazirliyi ilə əməkdaşlıqla futbol üzrə həvəskarlar liqasının 2024-cü il regional çempionatına başlanıb. Çempionatda bizim bələdiyyə komandası da iştirak edir.

Bələdiyyə çempionatı Marneuli bələdiyyəsində 2024-cü ilin iyun ayında başlayıb və final görüşü 18 iyul tarixində keçirilib. Qalib komanda “Tsereteli” komandası olub.

Buradan irəli gələrək, tədbirə qoşulmaq üçün bizim bələdiyyənin adından yarışacaq komandaya 24 dəst futbol forması və futbol ayaqqabısı alınmalıdır”, – Marneuli meriyasının Səhiyyə, Sosial Təminat, Mədəniyyət, İdman Uşaq Hüquqlarının Müdafiəsi və Dəstək Xidmətinin rəhbəri Nino Dekanoidze tərəfindən Marneuli merinə yazılmış izahatnamədə qeyd olunub.

Marneuli meriyası bir cüt ayaqqabını 250 lariyə alıb. Ümumilikdə bələdiyyə “Tsereteli” futbol komandası üçün ayaqqabıların alınmasına 6000 lari xərcləyib.

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin! +995557994415

---