Hökumət administrasiyasında baş nazir İrakli Kobaxidze səhhəti ilə bağlı sualı cavablandırıb.

Baş nazirin sözlərinə görə, o, koronavirusa yoluxub və bu, “Gürcü Arzusu” seçki proqramının təqdimatını gecikdirməyə səbəb olub. Təqdimat oktyabrın 1-nə planlaşdırılmışdı.

"Kovidə yoluxduğum təsdiqləndi, dünən testdən keçdim və nəticəyə görə mən artıq yoluxucu deyiləm, artıq virusum yoxdur və bu gündən işləyə bilərəm... Kovidə yoluxmuşdum,

bayıra çıxa bilməzdim", - Kobaxidze bildirib.

İrakli Kobaxidze sentyabrın 27-də Tbilisidə, Qəhrəmanlar meydanında, Suxuminin süqutu günü və sentyabrın 28-də Telavidə “Gürcü Arzusu” seçki kampaniyasının regional tədbirində ictimaiyyət qarşısında çıxış edib.

Baş nazirin sözlərinə görə, “Gürcü Arzusu” seçki proqramının təqdimatı oktyabrın 8 və ya 9-da keçiriləcək.

Gürcüstanda parlament seçkiləri oktyabrın 26-da keçiriləcək. Deputatlar yalnız proporsional sistemlə seçiləcək. Parlament üzvlərinin mandatları 5 faizlik baryeri keçən siyasi partiyalara paylanacaq.