Belarusun avtoritar lideri Aleksandr Lukaşenko Moskvada keçirilən sammitdə “MDB ailəsini” əvvəlki tərkibində bərpa etmək istədiyini bildirib.

“Yaxşı olardı ki, Gürcüstan bizim ailəmizə qayıda, Moldova tam hüquqlu iştirakını bərpa edə, Ukrayna hökuməti bizim iştirak etməli olduğumuz normal həyatı bərpa etmək üçün özünə gələydi. Mən tam əminəm ki, olacaq. Bu, sadəcə, vaxt məsələsidir”, - “Belta” agentliyi Lukaşenkodan sitat gətirir.

Lukaşenka vurğulayıb ki, ölkələr birlikdə sahib olduqları şeylərə diqqətli olmalıdırlar.

"Bizim birliyimizi pozmayanların hamısı bu gün layiqli nəticələr göstərir. Onlar öz ölkələrini idarə etməyi itirməyiblər, beynəlxalq münasibətlərin tamhüquqlu subyektləri olaraq qalırlar", - Lukaşenka bildirib.

Bundan əvvəl Lukaşenka bildirib ki, Gürcüstan Qərbin vədlərindən “doydu” və onun kursu dəyişir.

“Məsələn, Gürcüstan. Onun siyasətində dəyişiklik görürsünüz. Onlar qərbin vədlərindən bezib, dönə-dönə bizim bazara qayıtmaq istəyirlər. Çünki sizi süd, ət və ya şərabla öz bazarlarına buraxmayacaqlar”, - Lukaşenka 2023-cü ildə deyib.

Gürcüstan hakimiyyəti Rusiya ilə mövqelərinin yaxınlaşmasına baxmayaraq, hədəflərinin 2030-cu ilə qədər Avropa İttifaqına daxil olmaq olduğunu bəyan edir.

Gürcüstan 2008-ci il müharibəsindən sonra MDB-dən çıxmaq qərarına gəlib. Onun üzvlüyünə 2009-cu il avqustun 18-də rəsmi xitam verilib.

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin! +995557994415

---