ABŞ Dövlət Departamentinin sözçüsü Metyu Miller ABŞ-ın gürcü xalqının yanında olduğunu bildirib.

O, jurnalistin etirazlar və müxalifətin etirazları fonunda ABŞ-ın seçkidən sonrakı prosesdə gürcü xalqına dəstəyini davam etdirib-etməyəcəyi ilə bağlı sualını belə cavablandırıb.

Miller bir daha Gürcüstan hökumətinin hərəkətlərinə cavab olaraq ABŞ-ın artıq gördüyü tədbirlərdən danışıb və əlavə addımlar da nəzərdən keçirdiklərini qeyd edib -“Lazım

gəlsə, biz onlardan istifadə etməkdən çəkinməyəcəyik”.

“Biz gürcü xalqının yanında olduğumuzu açıq şəkildə ifadə etmişik. Biz onların Avropa İttifaqına daxil olmaq ambisiyasını dəstəklədiyimizi və gələcəkdə Avro-Atlantik tərəfdaşlarla inteqrasiyasının tərəfdarı olduğumuzu açıq şəkildə bildirdik.

Bildiyiniz kimi, Gürcüstan hökumətinin [Amerikadan] aldığı kifayət qədər böyük məbləğdə maliyyə yardımı nəzərdən keçirilir və bu yardımın 95 milyon dolları dayandırılıb.

Bu, onların [Gürcüstan hakimiyyətinin] atdığını gördüyümüz addımlarla bağlıdır. Biz ata biləcəyimiz əlavə addımları nəzərdən keçiririk və lazım gələrsə, onlardan istifadə etməkdən çəkinməyəcəyik”, - Metyu Miller bildirib.

Metyu Miller, dövlət katibi Entoni Blinken və Amerika prezidenti Co Bayden Gürcüstanda keçirilən parlament seçkilərinə münasibət bildiriblər. Onların hamısı seçki pozuntularından, onların araşdırılmasının zəruriliyindən danışır.

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin! +995557994415

---