İran prezidenti Məsud Pezeşkiyan Gürcüstanınbaş naziri İrakli Kobaxidzeni seçkilərdə qazandığı qələbə münasibətilə təbrik edib.

İran prezidentinin müraciəti İranın Gürcüstandakı səfirliyi tərəfindən yayılıb:

“Uğurlu parlament seçkiləri və bu seçkilərdə “Gürcü Arzusu” partiyasının qələbəsi münasibətilə Sizi və gürcü xalqını ürəkdən təbrik etmək istərdim.

İnşallah, gürcü xalqının iradəsinin ifadəsi olan bu seçkilər gürcü xalqının tərəqqisinin və rifahının, iki ölkə arasında əlaqələrin möhkəmlənməsinin, region

ölkələri arasında əməkdaşlığın inkişafının başlanğıcı olacaqdır.

Mən Tanrıdan Zati-alinizə cansağlığı və uğurlar, dost gürcü xalqının uğurları diləyirəm”, - deyə bəyanatda bildirilir.

Qonşu Ermənistan, Azərbaycan və Türkiyədən başqa, yalnız Venesuela, Macarıstan, Çin və indi isə İran “Gürcü Arzusu”nu seçkilərdə qazandığı qələbə münasibətilə təbrik edib.

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin! +995557994415

---