Tbilisi meri və “Gürcü arzusu”nun baş katibi Kaxa Kaladze Gürcüstanda olan Aİ-yə üzv ölkələrin parlamentarilərini “işsiz-gücsüz” və “zərərli” adlandırıb.

Kaladzenin fikrincə, belə insanların bəyanatları və hərəkətləri “saman çöpü qiymətindədir”.

“Bunlar gah bir ölkəyə, gah da başqa ölkəyə gedən işsiz-gücsüz adamlardır. Müxalifətin mitinqləri, çıxışları olanda onların gəlişini xatırlayırıq. Bu insanlar özlərini ölkəmizin əhalisinə necə xatırladıblar? - yalanlarla. Bu

gün də yalanı təbliğ etməkdə davam edirlər. Onların nəyi təmsil etdiklərini hamımız yaxşı bilirik və dediyim kimi, onların bəyanatlarının heç bir dəyəri yoxdur”, - deyə Kaxa Kaladze bildirib.

Onun sözlərinə görə, nümayəndə heyətinin üzvləri Gürcüstanın dövlətçiliyinə və gürcü xalqına hörmət etmirlər.

“Avropa İttifaqı müxtəlif dəyərlərə əsaslanır ki, onlardan biri də sülhdür. Bu insanlar bizimlə Avropa adından danışır və eyni zamanda ölkədə xaos, gərginlik yaratmaq üçün hər şeyi edirlər. Onlar ümumi zərərvericilərdir. Bu adamlar ölkəmizə, dövlətçiliyimizə, gürcü xalqına hörmət etmirlər. Onların bəyanatlarının, hərəkətlərinin, bir saman çöpü qədər qiyməti var”, - Kaladze bildirib.

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin! +995557994415

---