V-Dem-in (Varieties of Democracy) fikrincə, indiki tendensiyanın davam etməsi Gürcüstanı avtokratik ölkəyə çevirə bilər.

V-Dem İnstitutunun 2024-cü il Demokratiya Hesabatına əsasən, 2023-cü ildə Gürcüstan avtokratiyaya yaxın bir ölkə idi, bu o deməkdir ki, onda demokratiyanın pisləşməsinin əlamətləri özünü göstərirdi.
Gürcüstanda 2024-cü il seçkiləri ərəfəsində hökumətin vətəndaş cəmiyyəti və siyasi müxalifətə hücumları ölkənin demokratik gələcəyi ilə bağlı narahatlıqları artırıb.

V-Dem-in qiymətləndirməsinə görə, seçki mübahisələri Gürcüstanın demokratik böhranını dərinləşdirir və indiki tendensiya davam edərsə, bu, Gürcüstanı avtokratik ölkəyə çevirə bilər.

V-Dem 2016-cı ildən Gürcüstanda demokratiyanın 4 göstəricisinin aşağı düşdüyünü göstərən qrafik dərc edir: siyasi partiyaların nifrət nitqi, partiyadaxili dezinformasiya, siyasi motivli həbslər və azad və ədalətli seçkilər.

Sözügedən qrafikdə sıfıra yaxın xal vəziyyətin pisləşdiyini bildirir.

“Seçki prosesində seçicilərin hədələnməsi kimi qüsurlar azad və ədalətli seçkilərə xələl gətirir.
Bundan əlavə, baş nazir Kobaxidze müxalifəti “cinayətkar siyasi qüvvələr” adlandırır və müxalifət partiyalarının fəaliyyətini qadağan etməklə hədələyir ki, bu da siyasi diskursun sərtləşməsindən xəbər verir.
Demokratiya tərəfdarı olan etirazçıları və vətəndaş cəmiyyəti üzvlərini xarici agentlər kimi şərləmək hökumətin dezinformasiya taktikasını nümayiş etdirir. Müxalifət səsləndirən vətəndaş fəalları getdikcə daha çox siyasi həbslərə və təqiblərə məruz qalırlar. Bu gərginlik seçkilərin ədalətliliyinə təhlükə yaradır”, - deyə V-Dem öz qiymətləndirməsində bildirib.

V-Dem (Demokratiyanın Variasiyaları) demokratiyanın konseptuallaşdırılması və ölçülməsi üçün unikal yanaşmadır. V-Dem demokratiyanın beş yüksək səviyyəli prinsipini tanıyır: seçkilər, liberalizm, iştirak, qoşulma və bərabərlik və bu prinsipləri ölçmək üçün məlumat toplayır.