Travmatoloq Vato Qvazava nümayişdə iki gənc nümayişçiyə kömək edərkən fiziki hücuma məruz qalıb, - onun yaxın dostu, həkim Caba Zarkua bildirir.

“Dünən mitinqin dağıdılmasından sonra iki qızın yıxıldığını görüb. O, qızlara öz həkimlik vəzifəsini yerinə yetirmək üçün yaxınlaşıb. Bu zaman o qansızlar onun yanına gələrək döyməyə başlayıblar”, - deyə Zarkua yazıb.

Onun dərc etdiyi fotoda Vato Qvazavanın üzündə, alnında və dodağında qançırlar görünür.

"Həkimdir, nə edirsiniz?- deyə dostu qışqıranda robokoplardan biri “rəis, nə edək? Bu həkimdir”, - dedi. Bundan sonra “rəis” dedikləri şəxslə birlikdə daha aığr formada döyüblər”, - deyə Zarqua yazıb.

Caba Zarkua, Qvazavanın necə döyüldüyünə dair izahatını belə təsvir edir:

"Robokoplar onu əvvəlcə “marşrutkalardan” birində huşunu itirənədək döyüblər, sonra isə ikinci “marşrutkaya” apardıqdan sonra təkrarən huşunu itirinə kimi döyüblər. Burada qeyd edək ki, Vato sağlamdır və onun huşunu itirənə kimi döyülməsi, özünüz fikirləşin, nə deməkdir”.

Zarkuanın sözlərinə görə, onun xaçı, mobil telefonu və avtomobilinin açarları oğurlanıb.

Caba Zarkua bu hekayəni beynəlxalq ictimaiyyətə təqdim etmək üçün prezident Salome Zurabişviliyə müraciət edib: "Həkimi bir insana kömək etməkdən çəkindirmək, sonra onu soymaq və döymək sadəcə insident deyil".

Dekabrın 4-nə olan məlumata görə, Avropayönlü mitinqlərdə üç yüzə yaxın insan saxlanılıb - onların əksəriyyəti həbslər zamanı qəddar repressiyaların hədəfinə çevrildiklərini deyir.

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin! +995557994415

---