Gürcüstanın baş naziri İrakli Kobaxidze bildirib ki, bir həftə ərzində onlar mitinq iştirakçılarının üzlərinin qapalı olmasını qadağan edəcək qanun qəbul edəcəklər.

O, hökumət administrasiyasında keçirdiyi brifinqdə deyib ki, “bu, toplantılar zamanı zorakılığın qarşısını almağa kömək edəcək çox vacib qanundur”.

Baş nazir bu məsələ ilə bağlı söhbətə başlamazdan əvvəl “TV Pirveli” heyətinə hücumu xatırladıb və bunu təxribat adlandırıb. O, canlı yayımda işləyərkən jurnalist Maka Çixladze və operator Qiorqi Şecirulinin hücumunu araşdıracaqlarına böyük ümid etdiyini bildirib.

“Maskalıların çoxluğuna görə, Daxili İşlər Nazirliyinin reaksiya verməsi çətinləşir – artıq kimin etirazçı, kimin etirazçı olmadığını ayırd etmək mümkün deyil...
Biz aksiya iştirakçılarının, o cümlədən əks görüş iştirakçılarının müxtəlif vasitələrlə üzlərini örtməsini qadağan edən qanun qəbul edəcəyik”, - deyə İrakli Kobaxidze bildirib.

Hökumət qanunu gələn həftənin sonuna qədər qəbul etməyi planlaşdırır.

“Biz texniki cəhətdən elə təşkil edə biləcəyik ki, gələn həftənin sonuna kimi qanun qəbul olunsun. Bu qanun ayın sonuna kimi qüvvəyə minəcək”, - deyə İrakli Kobaxidze bildirib.