"Gürcü Arzusu"icraçı katibi Mamuka Mdinaradzenin sözlərinə görə, parlament bu həftə dövlət sektorunda yenidənqurma prosesini sadələşdirmək məqsədilə qanun layihəsini müzakirə edəcək. Mdinaradze bildirib ki, bu dəyişikliklər dövlət sektorunun "saglamlaşdırılmasına" və effektivliyinin artırılmasına kömək edəcək.

Lakin bu təklif müxalifət partiyaları və qeyri-hökumət təşkilatları tərəfindən ciddi tənqidlərə məruz qalıb. Onlar narahatdırlar ki, yenidənqurma prosesinin sadələşdirilməsi siyasi təzyiq vasitəsinə çevrilə bilər, xüsusilə hökumət siyasətinə qarşı çıxan və ya etiraz aksiyalarında iştirak edən dövlət qulluqçularına qarşı.

Bu narahatlıqlar Tbilisi meri Kaxa Kaladzenin bəyanatlarında öz təsdiqini tapır. Kaladze etiraz bəyanatlarına imza atan Tbilisi meriyasının əməkdaşlarını dəfələrlə xəbərdar edib. "Sabotaj cəhdləri cavabsız qalmayacaq. Əlbəttə ki, konstitusiya və qanun çərçivəsində," – deyə Kaladze dekabrın 4-də bildirib. O, dekabrın 1-də də açıqlama verərək, meriyada yenidənqurma prosesinə başlanıldığını və bunu "özünüifşa" adlandırıb.

"Gürcü Arzusu" bu qərarı və siyasəti müxtəlif nazirlik və qurumlardan yüzlərlə dövlət qulluqçusu tərəfindən tənqid olunub. Bir çox qeyri-hökumət təşkilatı və hüquq müdafiəçisi hökumət əməkdaşlarının ifadə azadlığının məhdudlaşdırılması və siyasi təzyiq riski ilə üzləşdiklərini qeyd ediblər.

Qeyri-hökumət təşkilatları bildirirlər ki, dövlət qulluqçularının öz təşəbbüsü ilə işdən azad olunma barədə ərizə yazmağa məcbur edilməsi Gürcüstan Cinayət Məcəlləsinin 169-cu maddəsi ilə cinayət sayılır.

Hüquqşünaslar dövlət qulluqçularına tövsiyə edirlər ki, təzyiqə tabe olmasınlar, təhdid halları sənədləşdirilsin və ombudsman və hüquqşünaslara müraciət etsinlər.