Tbilisi meri Kaxa Kaladze Əbu-Dabidəki qarşıdurmaya cavab
verərək deyib ki, “zorakılıq həmişə müvafiq cavabla
qarşılanacaq”.
Kaladzenin sözlərinə görə, kimsə məmuru təhqir edəndə başını aşağı
salıb bir söz demədən oradan çıxa bilməz.
“Deputat, məmur heç kimə hücum etmir. Təbii ki, mən
bunu görmüşəm və bunu heç kim bağışlamır, nə şifahi, nə də fiziki
zorakılıq. Hətta bir millət vəkilinin, hansısa məmurun vətəndaşa
hücum etməsi ilə bağlı bir misal çəkə bilməzsiniz. Heç kimin
ixtiyarı yoxdur ki, təkbaşına oturub səhər yeməyi yeyən adamın
yanına gəlib onu sözlə təhqir etsin. Zorakılıq mənim üçün
qəbuledilməzdir, bu bəyanatı dəfələrlə demişəm.
Təhqir olanda həmişə reaksiya gəlir, bunu hamı başa düşməlidir. Siz
elə bir tendensiya tətbiq etməyə çalışırsınız ki, kimsə məmuru
təhqir edirsə, başını aşağı salıb getsin, bu olmayacaq. Zorakılıq
həmişə müvafiq cavabla qarşılanacaq", - Kaladze
bildirib.
___________________________________
Dünən Əbu-Dabidə “Gürcü Arzusu”nun deputatları ilə sözlü mübahisə
edən vətəndaş Laşa Qabitaşvili bu gün sosial şəbəkədə İrakli
Zarkua, Viktor Sanikidze və Qela Samxaraulinin ona fiziki təzyiq
göstərdiyini göstərən video paylaşıb.