„Repressiyalar üçün zəruri olan işçi qüvvəsinin artırılması“ — Natia Mezvrişvili 613 məhkumun əfv olunması haqqında

“Gürcü Arzusu”nun prezidenti Mixeil Kavelaşvili bu gün 613 məhkumun əfv olunmasına qərar verib.

Bu barədə qısa məlumat onun sosial şəbəkədəki şəxsi səhifəsində yerləşdirilib. Əfv olunan şəxslər haqqında əlavə məlumat verilmir.

Mixeil Kavelaşvilinin məhkumları əfv etməsi ilə bağlı “Qaxaria Gürcüstan naminə” partiyasının üzvü Natia Mezvrişvili də açıqlama verib və bu aktın məqsədinin repressiyalar üçün lazım olan “işçi qüvvəsinin”
artırılması olduğunu qeyd edib.

“Biz kimin dahiliyindən danışsaq da, praktiki olaraq 20 gün ərzində 613 məhkumun fərdi işlərini və əfv risklərini öyrənmək mümkün deyil. Xüsusən də söhbət baza təhsili olmayan de-fakto prezidentdən gedirsə.

Bu qədər genişmiqyaslı əfv cinayət vəziyyəti və təkrar cinayətlərin analizi olmadan mümkün deyil. Amnistiya məsələsində də analiz təqdim olunmasını tələb etmişdik və təbii ki, təqdim edə bilmədilər.

Küçələrdə qeyri-formal dolaşan maskalı şəxslərin olması və rejimin “qanunsuzluğu” hökm sürən ölkədə əfv qərarının məqsədi yalnız repressiyalar üçün zəruri olan işçi qüvvəsinin artırılması ola bilər. Əgər məqsəd bu deyilsə, bəs
analiz haradadır ?” – Natia Mezvrişvili yazıb". 
Mənbə: Netgazeti

 

Print Email
FaceBook Twitter Google