Prokurorluq fevralın 8-də dövlət maraqlarının pozulması və təxribatla bağlı istintaqa başlanıldığını açıqlayıb.

Daha dəqiq desək, agentlik yazır ki, fevralın 8-də Gürcüstanın dövlət maraqlarını pozmaq məqsədi ilə təxribat, təxribat cəhdi və xarici təşkilata və xarici nəzarət altında olan təşkilata Gürcüstanın dövlət maraqlarını pozmaq məqsədi ilə yardımın ağırlaşdırıcı halları ilə bağlı cinayət məcəlləsinin 318-ci maddəsinin 1-ci hissəsi, 2-ci və 31-ci bəndləri ilə istintaq açılıb. Sözügedən maddələrə görə 5 ildən 10 ilədək və 7 ildən 15 ilədək azadlıqdan məhrum etmə ilə cəzalandırılır.
Agentliyin məlumatına görə:

“Cinayət işinin başlanmasına “Vahid Neytral Gürcüstan” ictimai hərəkatının nümayəndələrinin Gürcüstan Baş Prokurorluğuna təqdim etdikləri bəyanatda əsaslanıb ki, onlar ölkədə son illərdə, xüsusən də son dövrlərdə baş verən hadisələrlə bağlı daxili və xarici aktorların hərəkətlərinin Gürcüstan dövlətinin təhlükəsizliyinə və konstitusiyasına qarşı təhdid və Gürcüstan dövləti konstitusiyasına qarşı yönəlmiş bir sıra hərəkətləri aşkara çıxardığını və qeyd ediblər”.

“Vahid Neytral Gürcüstan”ın rəhbəri Vato Şakarişvilidir.

Agentlik bildirir ki, Dövlət Təhlükəsizliyi Xidməti və Daxili İşlər Nazirliyi “Müvafiq tədbirlərin səmərəli həyata keçirilməsi və hərtərəfli, tam və obyektiv istintaqın aparılması məqsədilə” prokurorluqla birlikdə faktla bağlı araşdırma aparır.