"Mtavari Arxi" telekanalının məlumatına görə, kanalın həmtəsisçisi Zaza Okuaşvilinin süni şəkildə yaratdığı maliyyə böhranına görə, indiki mərhələdə canlı yayımlanan və əlavə gündəlik xərclər tələb edən bütün verilişlər dayandırılıb.

Telekanal bildirir ki, onların gündəlik fəaliyyətini davam etdirmək üçün vəsaitləri yoxdur.

"Mtavari Arxi"nin yayımlaya bilməyəcəyi verilişlər:

• Xəbər buraxılışları
• Xüsusi yayımlar
• Post-Faktumi
• Mtavari Şabati
• Günün Qonağı
• Fərqli Aksentlər
• Gecənin Mtavari-si
• Sənin Səhərin
• Sənin Günortan
• Sənin Gecən
• Ədəbiyyat Üçbucağı
• Mtavari Dünyada

"Hazırda telekanalda yalnız əvvəlcədən lentə alınmış proqramlar, köhnə verilişlərin təkrarı, seriallar və filmlər yayımlanır.

Biz tam yayımı bərpa etmək üçün alternativ maliyyə mənbələri tapmaq üzərində çalışırıq. Mtavari sizsiniz," – telekanalın bəyanatında deyilir.

Nika Qvaramianın açıqlaması:

Nika Qvaramia bildirib ki, "Mtavari Arxi"nin maliyyəsi var, lakin Zaza Okuaşvili onun xərclənməsinə mane olur.

"Jurnalistlər, operatorlar, texniki işçilər və bütün digər əməkdaşlar maaş ala bilmir, kanal tədricən fəaliyyətini dayandırır – baxmayaraq ki, kanalın pulu var, Okuaşvili ödənişlərə mane olur:

• Kommunal xərclər
• İnternet
• Texniki xidmət
• Nəqliyyat
• Peyk
• Verici qüllə
• Reytinq ödənişləri
• Digər satınalmalar

Bütün bu xidmətlər tədricən dayandırılır.

Kanala reklam almağa da imkan vermirlər.

Axı bir kanalın bağlanması yalnız kabelin kəsilməsi və ya OMON-un hücumu deyil. Günəş çıxacaq və əsas komanda sizi yenidən havadan qarşılayacaq. "Mənim heç bir şübhəm yoxdur." – deyə Qvaramia Facebook hesabında yazıb.

Kanalın gələcəyi

Dekabrın 11-də "Mtavari Arxi"-nin baş direktoru Qiorqi Qabunia açıqlama verərək bildirib ki, kanalın həmtəsisçilərindən biri olan Zaza Okuaşvili "kanalı bağlamaq qərarına gəlib". Onun sözlərinə görə, bunu Okuaşvili bir neçə ay əvvəl təyin etdiyi direktor, "onun tapşırıqlarını icra edən" Qoqa Kurdadzenin əli ilə həyata keçirir.

Qabunianın sözlərinə görə, Qoqa Kurdadze şirkətin bütün maliyyə əməliyyatlarını bloklayır və onun üçün həyati əhəmiyyət daşıyan müqavilələrin bağlanmasına mane olur.

Zaza Okuaşvili bu açıqlamaya cavab verib və bildirib ki, o, telekanalın “teleşirkətin hesabına şəxsi sərvət toplamağa cəhd etməyəcək” tam heyət və rəhbərliyi ilə fasiləsiz fəaliyyətini davam etdirməsini istəyir.

Okuaşili iddia edir ki, Nika Qvaramia və Qiorqi Qabunia kanalı talan edərək süni şəkildə iflas həddinə çatdırıblar.

"Mtavari Arxi" 2019-cu il avqustun 17-də təsis edilib və eyni ilin sentyabrın 9-da yayıma başlayıb. Kanalın komandasının böyük bir hissəsini Rustavi 2-dən ayrılan insanlar təşkil edir.

2019-cu il iyulun 18-də Avropa İnsan Haqları Məhkəməsi "Rustavi 2" işi üzrə yekun qərar çıxardı və heç bir maddə üzrə qanun pozuntusunun baş vermədiyini elan etdi.

Həmin gün Dövlət Reyestrində Xalvaşinin teleşirkətdəki səhmləri qeydə alınıb və yeni sahibinin tələbi ilə Nika Qvaramiya teleşirkətin direktoru vəzifəsindən kənarlaşdırılıb və onun yerinə Xalvaşinin vəkili Paata Salia təyin edilib. Paata Salia hazırda “Gürcü Arzusu”nun üzvü və parlament üzvüdür.

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin! +995557994415

---