Cinayət Polisinin detektivi, keçən il yetkinlik yaşına çatmayan övladının gözü önündə həyat yoldaşını döyən, onu təhdid edən və alnına silah dayayan şəxs, bu günlərdə həbs edilib.

İstintaqın versiyasına əsasən, həbs edilən detektiv həyat yoldaşı ilə birgə yaşadığı dövrdə dəfələrlə ona qarşı fiziki zorakılıq tətbiq edib və onu təhdid edib.

İstintaqın materiallarına görə, 2024-cü ilin yazında – Surami şəhərində, detektiv həyat yoldaşını öldürməklə hədələyib, alnına odlu silah dayayıb və ona fiziki zorakılıq göstərib.

Müstəntiqlərin məlumatına görə, polis əməkdaşı bundan sonra da zorakılıq və təhdidlərini davam etdirib.

Bir müddət sonra – dəqiq tarix açıqlanmayıb – zərərçəkmiş qadın hüquq-mühafizə orqanlarına müraciət edib. Belə işlər Xüsusi İstintaq Xidməti tərəfindən araşdırılır.

Xüsusi İstintaq Xidmətinin məlumatına görə, zərərçəkmiş qadın və onun ailə üzvləri dindirilib, elektron məlumatlar toplanıb və cinayətdə təqsirləndirən sübutlar əldə edilib.

Detektiv məhkəmənin qərarından sonra həbs edilib.

Ona qarşı bir neçə ittiham irəli sürülüb:

• Ailədaxili zorakılıq – 2 ilədək həbs və ya 80-150 saat ictimai iş cəzası nəzərdə tutulur.
• Ağırlaşdırıcı hallarda ailədaxili zorakılıq – "yetkinlik yaşına çatmayan şəxsin yanında ailə üzvünə qarşı törədilmiş zorakılıq" – 200-400 saat ictimai iş və ya 1 ildən 3 ilədək həbs cəzası nəzərdə tutulur.
• Ailə üzvünü hədələmə – 170-200 saatlıq ictimai iş, 2 ilədək "islah işləri" və ya 3 ilədək həbs cəzası nəzərdə tutulur.

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin! +995557994415

---