Marneuli bələdiyyəsi Novruz bayramı münasibətilə sirk şousunun təşkil edilməsinə 3 500 lari xərcləyəcək. Xidmət tenderdə qalib gəlmiş "Geoprofi" MMC tərəfindən göstəriləcək. Bu məbləğə alovlu şou, sirk şousu və ilüzionistlərin şousu daxil olacaq.

• Alovlu şou (10 dəqiqə),
• Akrobatlar – müxtəlif sirk şousu (10 dəqiqə)
• İllüzionistin 20 dəqiqəlik şousu (Ətraflı məlumat alıcı ilə razılaşdırılacaq)

Novruz bayramını qeyd etmək üçün Marneuli bələdiyyəsi 226 562 lari dəyərində tender elan edib və tenderdə beş şirkət iştirak edib.

Bayram tədbirini təşkil etmək istəyənlər: "Story +" MMC, "GT Holding" MMC, "Mix Studio" MMC, "GeoVoice" MMC və "Geoprofi" MMC olub. Tenderdə ən aşağı təklifi "Geoprofi" MMC edib və qalib gəlib. Şirkət yerli özünüidarə ilə müqavilə imzalayıb.

Bu şirkət Novruz bayramı tədbirini 156 450 lariyə təşkil edəcək.

Tender sənədlərinə əsasən, bayram üçün aparıcıların, aktyorların qəbulu, əyləncə sahələrinin təmin edilməsi, musiqi qruplarının qəbulu, Bahar qızının gəlişi üçün musiqiçilərin qəbulu, sirk şousu xidmətinin təmin edilməsi, kulinariya məhsullarının alınması, aktyor, musiqiçilərin geyimlərinin kirayə götürülməsi, Bahar qızı formasının əldə edilməsi, ənənəvi tonqal, səhnədə (kosa və keçəl) tamaşa üçün lazım olan dekorasiyaların alınması və digər tədbirlər nəzərdə tutulub.

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin! +995557994415

---