15 mart tarixində “Amerikanın Səsi”nin 1300-dən çox əməkdaşı maaşlı inzibati məzuniyyətə göndərilib, avtoritar rejimlər haqqında yayımlanan iki Amerika xəbər xidmətinin maliyyələşdirilməsi isə dayandırılıb. Bu barədə Reuters məlumat yayıb.

“Amerikanın Səsi”nin direktoru bildirib ki, təxminən 1300 jurnalist, prodüser və köməkçi maaşlı məzuniyyətə göndərilib, bu da 50 dildə yayımlanan medianın fəaliyyətini iflic edib:

“Çox təəssüf edirəm ki, 83

il ərzində ilk dəfə olaraq, əfsanəvi ‘Amerikanın Səsi’ susmağa məcbur olur”, – deyə təşkilatın direktoru Mixail Abramoviç LinkedIn sosial şəbəkəsində yazıb. Onun sözlərinə görə, “Amerikanın Səsi” dünyada azadlıq və demokratiya uğrunda mübarizədə mühüm rol oynayırdı.

Bundan bir gün əvvəl, 15 martda, ABŞ prezidenti Donald Tramp yeddi federal agentliyin ixtisarını nəzərdə tutan icra sərəncamını imzalayıb. Bu agentliklər arasında “Amerikanın Səsi”nin və “Azad Avropa/Azadlıq Radiosu”nun (RFE/RL) nəzarətçisi olan ABŞ Qlobal Media Agentliyi (USAGM) də var.

Həmin gün “Azad Avropa/Azadlıq Radiosu”nun (RFE/RL) prezidenti Stiven Kapus bildirdi ki, bu təşkilatın maliyyələşdirilməsinin dayandırılması "Amerikanın düşmənləri üçün böyük hədiyyə" olacaq:

“İranın ayətullaları, Çinin kommunist liderləri və Moskva ilə Minskdəki avtokratlar ‘Azad Avropa/Azadlıq Radiosu’nun 75 ildən sonra süqutunu qeyd edəcəklər. Bizim düşmənlərimiz üçün belə bir qələbə onları gücləndirəcək və Amerikanı zəiflədəcək”, – deyə Kapus bəyanatında vurğulayıb.

O, həmçinin əlavə edib:

“‘Azad Avropa/Azadlıq Radiosu’nun zəngin tarixi ərzində biz hər zaman iki partiyanın dəstəyini hiss etmişik. Hər həftə bizə etibar edən, dəqiq xəbərlər və informasiya almaq üçün bizə güvənən, qapalı cəmiyyətlərdə yaşayan təxminən 50 milyon insan artıq Amerikanın və dünyanın həqiqətləri barədə məlumat ala bilməyəcək”.

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin! +995557994415

---