Gürcüstanın Daxili İşlər Nazirliyi (DİN) bildirir ki, martın 14-də gecə saatlarında Vake rayonunda, Çavçavadze prospektində baş vermiş qətl hadisəsinə görə bir nəfər saxlanılıb.

Martın 17-də DİN-in yaydığı rəsmi məlumata əsasən, saxlanılan şəxs 1975-ci il təvəllüdlü Q.U.-dur.

Bu baş hərflər, medianın yaydığı məlumatlarda saxlanılan şəxsin Qela Udzilauri olduğu ehtimalına uyğun gəlir.

"TV Pirveli" telekanalı öz mənbələrinə istinad edərək bildirib ki, təxminən 50 yaşlı Qela Udzilauri bir neçə saat əvvəl Gürcüstan ərazisində polis tərəfindən saxlanılıb.

DİN bildirir ki, o, Tbilisidə saxlanılıb, lakin konkret olaraq hansı şəraitdə həbs edildiyi hələ ki məlum deyil.

Q.U. qəsdən adam öldürmə və odlu silahın qanunsuz əldə edilməsi, saxlanması və daşınması ittihamı ilə həbs olunub.

Bu ittihamlar ona 15 ilədək azadlıqdan məhrumetmə cəzası verilməsini nəzərdə tutur.

İstintaqın versiyasına görə, şübhəli şəxs martın 14-də Tbilisidə, Çavçavadze prospektində iki nəfərə odlu silahdan atəş açaraq bir neçə güllə yarası yetirib və hadisə yerindən qaçıb.

Nəticədə 1964-cü il təvəllüdlü Levan Canqveladze yerindəcə həyatını itirib, onu müşayiət edən şəxs isə xəstəxanaya yerləşdirilib.

Qətlə yetirilən şəxs 58 yaşlı iş adamı Levan Canqveladzedir. O, yalnız bir neçə günlük Gürcüstana səfər etmiş və küçədə mühafizəçilərin müşayiəti ilə hərəkət edirdi.
"TV Pirveli" hadisə yerindən görüntülər yayıb. Kadrlarda qatilin Çavçavadze prospektində qurbanlarını gözlədiyi, onların binadan çıxmasını izlədiyi və bir neçə metr onlarla birlikdə gedərək qəfil hücum etdiyi görünür.

Qətl hadisəsi martın 14-də, saat 23:32-də baş verib.

Mediada yayılan məlumatlara görə, öldürülən Levan Canqveladze tanınmış "qanuni oğru" Merab Canqveladzenin (ləqəbi "Suxumski") qardaşıdır.

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin! +995557994415

---