Novruz Bayramı münasibətilə Marneuli bağçaları istirahət etməyəcəklər. Uşaq Bağçaları Birliyinin rəhbəri Zaur Kərəmov "Marneuli" radiosu ilə söhbəti zamanı bildirib ki, bəzi valideynlər həmin gün də istirahət etmir. Ona görə də istirahət günü elan edə bilməyəcəklər.

Marneulidəki azərbaycanlıların böyük əksəriyyətinin təhsil aldığı məktəblər yazılı müraciət əsasında 21 mart tarixində Novruz bayramı münasibətilə istirahət günü elan edə bilərlər. Təhsil müəssisələri artıq Təhsil Nazirliyinə müraciət göndəriblər. Keçən illərdən fərqli olaraq, bu il məktəblər 21 mart tarixini başqa günlə əvəz etməyəcəklər.

İllərdir ki, Gürcüstanda Novruz bayramının istirahət günü elan edilməsini vətəndaş cəmiyyəti tələbinə çevrilmişdir. Onlar bir neçə dəfə müvafiq qurumlara yazılı müraciət ediblər, amma 21 mart hələ də iş günüdür.

2010-cu ildə BMT Baş Assambleyası Novruzu beynəlxalq gün olaraq qəbul edib. 2009-cu il 28 sentyabr tarixində UNESCO-nun sammitində Novruz rəsmi olaraq insanlığın qeyri-maddi mədəni irs siyahısına daxil edilib. 2010-cu ildə Novruz Bayramı Gürcüstanda ümumxalq bayramı elan olunub.