Marneuli şəhəri, 26 May küçəsində yolun asfaltlanması bir neçə günə yekunlaşacaq. Marneuli şəhərinin majoritar deputatı Vasil Xaxulaşvilinin “Marneuli” radiosuna verdiyi məlumata görə, bərpa işləri bələdiyyə ilə razılaşdırılaraq Yol Departamenti tərəfindən aparılır. Onun sözlərinə görə, həmin hissə kanalizasiya çəkilişi zamanı qazılan küçələr arasındadır.

“Hazırda 26 May küçəsində görülən işlər Marneuli Bələdiyyəsi ilə razılaşdırılaraq Yol Departamenti tərəfindən həyata keçirilir. Marneuli

Birləşmiş Su Təchizatı şirkətinin rəhbərliyi də bu işdə iştirak edirdi. Nəzərə alsaq ki, kanalizasiya xəttinin tikintisi davam edir və Gürcüstanın Birləşmiş Su Təchizatı bizə konkret yerlərdə iş görmək hüququ verir. 26 May küçəsi meydanla birlikdə düzəldilir, bir neçə lay örtük çəkilib. İşlər indi də aparılır və bir neçə günə çəkiləcək. İşlər qismən başa çatdırılacaq, çünki həmin yol hissəsində piyada cığırının düzəldilməsi planlaşdırılır, bununla bağlı Marneuli meriyası artıq tender elan edib”, – Vasil Xaxulaşvili bildirir.

Majoritar deputatın sözlərinə görə, hazırda kanalizasiya layihəsi çərçivəsində görülən işlərin keyfiyyətcə yoxlanılmasını gözlədikləri 9 Aprel küçəsinə asfalt çəkməyi planlaşdırırlar.

“Hazırda 9 Aprel küçəsində yeraltı işlərin yararlılığını və keyfiyyətinin yoxlanmasını gözləyirik. Aparılan işlərin uyğun olduğu qənaətinə gələn kimi həmin küçəni abadlaşdıracağıq. Mazniaşvili küçəsində də bərpa işləri gedir, orada yol örtüyü çəkiləcək. Hal-hazırda şəhərin mərkəzi küçələrində səkilərin döşənməsinə tədricən başlanılacaq. Çünki asfalt qatı tez-tez qazılırdı, hər şey büdcə ilə bağlıdır və biz onu çəkib sonra onu qazmalı deyildik”, – Vasil Xaxulaşvili bildirib.

Marneuli şəhəri və kəndlərin su təchizatı, kanalizasiya layihəsinin icrasına 2019-cu ildə başlanılıb. Yollar qazılıb, borular çıxarılıb, infrastruktura ziyan dəyib, yollar bərbad vəziyyətdə olduğundan ictimai nəqliyyata, yerli avtomobillərə ziyan dəyib.

Layihənin “Akelik Group” şirkəti tərəfindən 2021-ci ilin mart ayına qədər tamamlanmalı idi, lakin şirkət öz öhdəliyini yerinə yetirə bilmədi, bu səbəbdən 55 940 022 dollarlıq layihə dayandırıldı. Su təchizatı şirkəti Türkiyə və Çin şirkətləri ilə yeni müqavilə imzalayıb. İşlər “China Geo - Engineering Corporation” (CGC) və “POLAT Yol Yapı Sanayi və Ticarət Anonim Sirkei” tərəfindən həyata keçirilir.

Kanalizasiya sisteminin tikintisi çərçivəsində şəbəkə 2025-ci ilin yanvarında sınaqdan keçirilib.

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin! +995557994415

---