Son üç ildir ki, Gürcüstandan kartof ixracı artmaqdadır. Milli Statistika Xidmətinin məlumatına görə, 2025-ci ilin yanvar-fevral aylarında ölkədən 26 min 865 ton kartof ixrac edilib ki, bu da 7,8 milyon ABŞ dolları dəyərindədir. Bu göstərici ötən ilin eyni dövrü ilə müqayisədə 26 dəfə çoxdur. 2024-cü ilin yanvar-fevral aylarında cəmi 931 ton kartof ixrac olunmuşdu və onun dəyəri 303 min 220 dollar idi. 2023-cü ilin ilk iki ayında isə bu rəqəm daha da aşağı – 795 ton və 95 min 480 dollar təşkil edirdi.

Ötən ilin yanvar-fevral aylarında ölkənin yeganə kartof ixracı Azərbaycana olub. Bu il isə əsas ixrac bazarı Rusiya olub. Bununla yanaşı, digər ölkələrə də kartof göndərilib.

2025-ci ilin yanvar-fevral aylarında Gürcüstanın kartof ixrac etdiyi əsas bazarlar:

1. Rusiya - 5,2 milyon ABŞ dolları - 13 610 ton
2. Azərbaycan - 1,8 milyon ABŞ dolları - 10 361 ton
3. Ermənistan - 455 850 ABŞ dolları - 2 151 ton
4. Qazaxıstan - 84 080 ABŞ dolları - 394 500 ton
5. Türkmənistan - 47 380 ABŞ dolları - 239 ton
6. Moldova - 12 070 ABŞ dolları - 86 ton
7. Özbəkistan - 4400 ABŞ dolları - 22 ton.

Kartof ixracının artması fonunda ölkəyə kartof idxalı azalmaqdadır. 2025-ci ilin yanvar-fevral aylarında Gürcüstan 1 229 ton kartof idxal edib ki, bu da 402 min 670 dollara başa gəlib. Halbuki ötən ilin eyni dövründə 1 719 ton kartof idxal olunmuş və bu, 469 min 320 dollar təşkil etmişdi. 2023-cü ilin ilk iki ayında isə ölkə 8 907 ton kartof idxal etmişdi və bu, 2,5 milyon dollara başa gəlmişdi.

Bu il Gürcüstana kartof ən çox Türkiyədən idxal edilib. İdxalda Almaniya ikinci, Niderland isə üçüncü yerdədir. 2024-cü ilin ilk iki ayında isə əsas kartof idxalçıları Rusiya və Belarus olmuşdu.

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin! +995557994415

---