Gürcüstanın Dövlət Təhlükəsizliyi Xidmətinin (DTX) bəyanatına görə,

Rusiyanın işğalçı qüvvələrinin nümayəndələri Qori bələdiyyəsinin Erqneti kəndi yaxınlığındakı işğal olunmuş ərazidə və işğal altındakı Tsxinvali rayonunun Siveri kəndi yaxınlığında Gürcüstanın iki vətəndaşını qanunsuz olaraq saxlayıblar.

Qurum bildirir ki, bu növbəti qanunsuz saxlanma hadisəsi barədə məlumat daxil olan kimi, Dövlət Təhlükəsizliyi Xidməti Avropa İttifaqının müşahidə missiyası tərəfindən idarə olunan "qaynar xətti" aktivləşdirib.

"Məlumat dərhal Cenevrə Beynəlxalq Müzakirələrinin həmsədrlərinə və beynəlxalq tərəfdaşlara çatdırılıb. Qanunsuz saxlanılmış Gürcüstan vətəndaşlarının ən qısa müddətdə azad edilməsi üçün bütün mövcud mexanizmlər işə salınıb” – deyə bəyanatda qeyd olunub.