Daxili İşlər Nazirliyinin yaydığı məlumata əsasən, polis Tbilisi və digər regionlarda keçirdiyi əməliyyatlar nəticəsində qanunsuz odlu silah və sursat aşkar edərək götürüb, ümumilikdə 18 nəfər saxlanılıb.

“Marneuli” radiosunun məlumatına görə, saxlanılan şəxslər arasında Marneuli sakini də var.

Daxili İşlər Nazirliyinin açıqlamasında bildirilir:

“Patrul Polisi, Mərkəzi Kriminal Polis, Tbilisi, Sameqrelo-Zemo Svaneti, Kvemo Kartli, Şida Kartli, İmereti, Acarıstan

və Samtsxe-Cavaxeti polis idarələrinin əməkdaşları tərəfindən həyata keçirilmiş son əməliyyat-axtarış və istintaq tədbirləri nəticəsində 18 nəfər həbs edilib.”

Nazirlikdən verilən digər məlumata görə, saxlanılan şəxslərin evlərinə və avtomobillərinə baxış zamanı müxtəlif növ odlu silahlar, döyüş sursatları və narkotik vasitələr aşkar edilərək götürülüb.

“Şəxsi axtarış, ev və avtomobillərə baxış zamanı maddi sübut kimi pulemyotlar, tapançalar, revolverlər, ov tüfəngləri, əl qumbaraları, çoxlu sayda patron, həmçinin partlayıcı qurğular və narkotik vasitələr, o cümlədən qurudulmuş marixuana aşkarlanaraq götürülüb,” – deyə Nazirliyin açıqlamasında bildirilir.

Faktla bağlı Gürcüstan Cinayət Məcəlləsinin 236, 273 və 287-ci maddələri üzrə istintaq aparılır. Həmin maddələr üzrə cinayətlər 9 ilə qədər azadlıqdan məhrumetmə cəzası nəzərdə tutur.

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin! +995557994415

---