"Gürcü Arzusu" hökumətinin 17 aprel qərarına əsasən, müəyyən olunub ki, bəzi ölkələrin vətəndaşları Birləşmiş Ərəb Əmirlikləri, Bəhreyn, Səudiyyə Ərəbistanı, Qətər, Küveyt və ya Oman tərəfindən verilmiş çoxgirişli viza və ya oturma icazəsinə sahib olduqları halda, Gürcüstana vizasız olaraq 1 il müddətinə daxil ola bilərlər.

Qərara əsasən, bu viza və ya icazə, Gürcüstan sərhədini keçdikləri tarixdən etibarən ən azı bir il müddətinə qüvvədə olmalı və bu, biometrik pasport və ya səyahət sənədi kimi müvafiq sənədlərlə təsdiqlənməlidir.
Yeni qaydaya təsir edən 17 ölkənin siyahısı belədir:

1. Əfqanıstan İslam Respublikası
2. Banqladeş Xalq Respublikası
3. Qana Respublikası
4. Efiopiya Federativ Demokratik Respublikası
5. Eritreya Dövləti
6. Yəmən Respublikası
7. Kamerun Respublikası
8. Kot-d’İvuar Respublikası
9. Konqo Demokratik Respublikası
10. Mərakeş Krallığı
11. Nigeriya Federativ Respublikası
12. Pakistan İslam Respublikası
13. Somali Federativ Respublikası
14. Suriya Ərəb Respublikası
15. Sudan Respublikası
16. Tanzaniya Birləşmiş Respublikası
17. Uqanda Respublikası

Qərar 2025-ci il 16 may tarixində qüvvəyə minir.

Gürcüstanda xarici vətəndaşların vizasız giriş qaydası 2015-ci il 5 iyun tarixindən qüvvədədir və bu, Gürcüstan hökumətinin №256 nömrəli qərarına əsaslanır. Bu qaydaya əsasən, hökumət tərəfindən müəyyən olunmuş təxminən 50 ölkənin vətəndaşlarına Gürcüstana vizasız daxil olmaq icazəsi verilir.

Bundan başqa, istisna hallara da icazə verilir: əgər şəxs yuxarıda qeyd olunan 50 ölkənin vətəndaşı deyilsə belə, əgər bu ölkələrdən verilmiş etibarlı çoxgirişli vizası və ya yaşayış icazəsi varsa, Gürcüstana vizasız daxil ola bilər.

Bu 17 ölkənin vətəndaşları əgər həmin 50 ölkədən hər hansı birinin etibarlı vizasına və ya yaşayış icazəsinə sahib olsalar, Gürcüstanda hər gəlişdə 180 gündən 90 günədək olmaqla, ildə iki dəfə vizasız qala biləcəklər.

Yenilənmə:

"Gürcü Arzusu"nun Daxili İşlər Nazirliyi bildirib ki, bu dəyişiklik sözügedən ölkələrin vətəndaşları üçün Gürcüstana daxilolmanı asanlaşdırmır, əksinə sərtləşdirilməyə xidmət edir. Nazirliyin açıqlamasına görə, əvvəlki qaydalarda bu ölkələrin vətəndaşları əgər Körfəz ölkələrinin vizası və ya oturma izni daşıyırdılarsa, Gürcüstana daxil ola bilirdilər, amma viza müddətinə dair tələb yox idi.

İndi isə bu tələblər sərtləşdirilib — viza və ya icazə qüvvədə olmalı və bunu təsdiqləyən sənədlər təqdim olunmalıdır.

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin! +995557994415

---