Rusiyalıların xarici istiqamətlərə etdiyi may ayı aviarezervasiyaları arasında ən çox artım Batumi istiqamətində qeydə alınıb – bu istiqamət üzrə artım 111% təşkil edib. İkinci yerdə isə 92%-lik artımla Kiprin Larnaka şəhəri qərarlaşıb. Bu istiqamətlər 2024-cü ilin eyni dövrü ilə müqayisədə ikiqat artım göstəriblər.

Bu barədə Rusiya aviabiletləri servisi olan Aviasales-in araşdırmasına əsasən TASS məlumat yayıb.

Araşdırmaya görə, may ayında Batumidə istirahətin orta müddəti bir həftə təşkil edir və ümumi rezervasiyaların 7%-i uşaqlar üçün nəzərdə tutulub. Bir böyüklər üçün iqtisadi sinif aviabiletinin orta qiyməti 15.700 rubl (təxminən 192 ABŞ dolları) təşkil edir ki, bu da ötən ilin mayı ilə müqayisədə 23% daha ucuzdur.

Müqayisə üçün, Larnakada rusiyalı turistlər orta hesabla 12 gün qalırlar, və bu istiqamətdə də uşaqlarla edilən səfərlər ümumi rezervasiyaların 7%-ni təşkil edir. Aviabiletin orta qiyməti isə 29.800 rubl (təxminən 364 ABŞ dolları) olub, bu da ötən ilə nisbətən 29.5% ucuzlaşma deməkdir.

Faiz artımı baxımından üçüncü yerdə Misirin Şarm əl-Şeyx kurortu yer alıb – bu istiqamət üzrə tələbat il ərzində 65% artıb. Burada istirahətin orta müddəti 9 gündür və ümumi rezervasiyaların 17%-i uşaqlarla birlikdə səyahətlərə aiddir. Bir böyüklər üçün iqtisadi sinif biletin orta qiyməti 24.700 rubl (təxminən 302 ABŞ dolları) təşkil edir, bu isə keçən ilin ortalama qiymətindən 19% bahadır.

Ümumilikdə, rusların 2025-ci ilin may ayında xarici istiqamətlər üzrə rezervasiyalarının payı keçən illə müqayisədə 8% artaraq bütün rezervasiyaların 37%-ni təşkil edib. Xarici istiqamətlər arasında ən çox seçilən şəhərlər İstanbul, Daşkənd, İrəvan, Antalya və Minsk olub.

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin! +995557994415

---