Bu gün, 16 may tarixində, Batumi Şəhər Məhkəməsində jurnalist və media meneceri Mzia Amağlobelinin məhkəmə prosesində Avropa ölkələrinin Gürcüstandakı səfirləri iştirak edirlər.

Məhkəmədə iştirak edən diplomatlar bunlardır:

• Peter Fischer – Almaniyanın Gürcüstandakı səfiri
• Anna Lieberg – İsveçin Gürcüstandakı səfiri
• Marge Mardisalu-Kahari – Estoniyanın Gürcüstandakı səfiri

Bundan əlavə, məhkəməyə xüsusi olaraq gəlmiş avstriyalı Avropa Parlamenti üzvü Lena Schilling də iştirak edir. O bildirib:

“Avropa sizə baxır. Biz buna göz yummayacağıq.”

Mzia Amağlobelinin məhkəmə proseslərinə demək olar ki, hər dəfə Avropa ölkələrinin səfirlik nümayəndələri qatılır.

O, 4 aydan çoxdur ki, qanunsuz olaraq həbsdədir.

Nə baş verir?

• Mzia Amağlobeli “Batumelebi” və “Netgazeti” nəşrlərinin təsisçisi və direktorudur.
• O, 4 aydan artıqdır qanunsuz həbsdə saxlanılır və etiraz olaraq 38 gün aclıq aksiyası keçirmişdir.
• Jurnalist fəaliyyətinə görə cəzalandırıldığı bir neçə faktla sübut olunur – məsələn, onun həbsinə səbəb kimi göstərilən saxta protokol.

Hüquq müdafiəçiləri və təcrübəli hüquqşünasların qiymətləndirməsinə əsasən, Mzia Amağlobeli qanunsuz olaraq həbs olunub, çünki irəli sürülən ittiham əsassızdır. Hətta ittihamda göstərilən “bir nəfərə sillə vurmaq” cinayət sayıla bilməz və cinayət məsuliyyəti doğurmur.

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin! +995557994415

---