Mayın 20-də Sumqayıt şəhərində yanğınla müşahidə edilən partlayış baş verib. Partlayış nəticəsində 5 nəfər xəsarət alıb. Qəza "Azərikimya" İstehsalat Birliyinin Etilen-polietilen zavodunda baş verib.

"Azadlıq" radiosunun verdiyi məlumata görə, Azərbaycan Dövlət Neft Şirkətinin (SOCAR) tabeçiliyində olan bu zavoddan bildirilib ki, saat 12:00 radələrində istehsalatın sintez sahəsində, "B" texnoloji xəttində aşağı təzyiq ayırıcısında reqlamentə uyğun təmir işi apararkən hadisə baş verib.

Əlavə edilib ki, hadisənin səbəbi araşdırılır.

Əsası ötən əsrin ortalarında qoyulan həmin müəssisədə sonradan modernizasiya işlərinin aparıldığı açıqlanıb.

Tibbi Ərazi Bölmələrini İdarəetmə Birliyindən (TƏBİB) verilən məlumata görə, partlayış səbəbi ilə saat 12:20 radələrində beş nəfər Sumqayıt Tibb Mərkəzinin nəzdindəki Təcili Tibbi Yardım Xəstəxanasına hospitalizasiya olunub.

"Vəziyyəti ağır qiymətləndirilən üç nəfər Nərimanov Tibb Mərkəzinin nəzdində olan Yanıq Mərkəzinə təxliyə olunur. Digər iki nəfərin müalicəsi isə müvafiq şöbədə davam etdirilir, vəziyyətləri orta ağırdır", - məlumatda bildirilir.

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin! +995557994415

---