Siçinavanın azyaşlı övladı var və onun atası vəfat edib. Buna görə də, uşaq himayədarını itirmiş şəxs statusuna malikdir və onun hesablarının dondurulması qanunsuz idi.

***
14:48
Zuqdidili mülki fəal Mariam Sicinava bəyan edib ki, onun bank hesabları dondurulub.


Sicinavanın sözlərinə görə, o, bir neçə min lari məbləğində cərimə borcu yığıldığı üçün hesabları bloklanıb. Lakin o qeyd edir ki, övladı "ailənin əsas təminatçısını itirmiş" sosial statusundan istifadə edirdi və bu səbəbdən dövlətin onun hesablarını dondurmağa hüququ yox idi.

“Altı ay ərzində məni qanun qoruyurdu və hesablarımı dondurmurdular. İndi araşdırıram nə dəyişdi — görəsən, uşağımın atası dirilibmi? Məncə, hesabların dondurulması 20 mayda İrakli Zarkua ilə bağlı baş verən hadisələrlə əlaqəlidir, çünki dondurma barədə bildirişi aldıqdan təxminən 20 dəqiqə sonra mənə zəng etdilər və sabah saat 13:00-a məhkəmə təyin olunduğunu dedilər,” – deyə Mariam Sicinava “Netgazetə”yə bildirib.

Mariam Sicinavanın fikrincə, ödənilməmiş cərimələr və üzərinə maliyyə təzyiqinin göstərilə bilməməsi səbəbindən, sabah keçiriləcək məhkəmədə prokurorluq onun barəsində həbs qətimkan tədbiri tələb edəcək.
Məlum olduğu kimi, “Gürcü Arzusu”nun deputatı İrakli Zarkua, Mariam Siçinavanı məhkəməyə verib. Bu, Sicinava və Keren Esebuanın Zarkuanı Zuqdididəki bir oteldə qarşılayaraq, təhqiredici ifadələrlə yola salmasından sonra baş verib.

“Utan, Zuqdididə sənin yerin yoxdur,” – deyə aktivistlər İrakli Zarkuaya səsləniblər.

Öz növbəsində, Zuqdidili aktivistlər də Zarkua və onunla birlikdə olan şəxsə qarşı şikayət veriblər. Belə ki, həmin şəxs Esebuanın telefonunu zorla əlindən alıb və onu sözlə təhqir edib.