Tbilisi Şəhər Məhkəməsində 12 iyun tarixində bir neçə jurnalist, siyasətçi və mülki

fəal barəsində məhkəmə iclasları keçiriləcək. Onların sosial şəbəkələrdə – xüsusilə "Facebook"-da yazdıqları paylaşımlara görə Daxili İşlər Nazirliyi inzibati xəta protokolları tərtib edib,onların cərimələnməsini tələb edir.

İşlər hakim partiya “Gürcü Arzusu”nun nümayəndələrinə qarşı səsləndirilmiş fikirlərlə bağlıdır. Məlumatı Daxili İşlər Nazirliyinin mətbuat xidməti “Azadlıq radiosuna təsdiqləyib.

Nazirlik bildirib:

“ "Gürcü Arzusu" fraksiyaının sədri tərəfindən 2025-ci il 6 iyun tarixində təqdim edilmiş ərizə/şikayət əsasında Gürcüstan Daxili İşlər Nazirliyi inzibati icraatlara başlayıb.”

Sabahkı məhkəmə proseslərində aşağıdakı şəxslərin iştirakı gözlənilir:

Nanuka Jorjoliani – jurnalist

Vaxo Sanaia – jurnalist

Vika Bukia – jurnalist

Eka Mişveladze – jurnalist

Mişa Mşvildadze – jurnalist

Tamar Çerqoleişvili – siyasətçi

Levan Xabeişvili – siyasətçi

Elene Xoştaria – siyasətçi

Aleko Elişvili – siyasətçi

Ana Subeliani – fəal

Baya Pataraia – fəal

Davit Katsarava – fəal

Qiorqi Kadaqidze – fəal

Keti Molaşvili – fəal

Hakim partiyanın liderlərindən biri, İrakli Kirtsxalia, 6 iyun tarixində bəyan etmişdi ki, partiya "təhqir", "alçaltma", "təhdid" və "qısnama" hallarına qarşı hər kəsə qarşı iddia qaldıracaq. O zaman konkret adlar açıqlanmasa da, indi məlum olub ki, məsələ konkret şəxslərlə bağlıdır.

Bu şəxsləri 1 500 laridən 4 000 lariyə qədər cərimə və ya 45 günədək inzibati həbs gözləyə bilər. Bu cəzalar, “Gürcü Arzusu” tərəfindən Avropa yönlü etiraz aksiyaları fonunda sərtləşdirilmiş İnzibati Xətalar Məcəlləsinə əsaslanır.

Qanunun tətbiqinin ilk nümunəsi artıq qeydə alınıb. 17 may tarixində “Gürcü Arzusu”nun deputatı Mariam Laşxe uşaqları ilə birlikdə kafedə olarkən, bir neçə qadın fəal tərəfindən belə şüarlarla qarşılaşıb: "Rejim girovlarına azadlıq!”, “Rusiyaya yox!”, “Rusiya qullarına ölüm!” Laşxe bunu təhqir kimi qiymətləndirib və DİN-ə müraciət edib. Məhkəmə iki fəal qadını 12 günlük həbs edib, birini isə 4 000 lari cərimə ilə cəzalandırıb.

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin! +995557994415

---