Moskva-Batumi reysini yerinə yetirən Superjet-100 tipli təyyarənin uçuş zamanı anidən sağ mühərrikinin qapağı qopub.

Rusiyanın "112" Telegram kanalı və digər KİV-lərin məlumatına görə, insident nəticəsində xəsarət alan olmayıb.

Təyyarə Moskvanın Vnukovo hava limanına təcili eniş edib. Hadisəyə görə hava məkanında “mavi kod” – yəni hava hadisəsi elan olunub, nəticədə təyyarə fövqəladə enişə məcbur qalıb.

"Aviatorşina" nəşrinin məlumatına görə, “təyyarə, yanacağı gözləmə zonasına qədər tükəndikdən sonra, həyəcan siqnalının verilməsindən bir saat sonra təhlükəsiz şəkildə yerə endi və müstəqil şəkildə dayanacağa istiqamətləndi. Mühərrikin qapağının hissələri uçuş-enmə zolağında tapılıb”.

Moskva-Batumi reysi daha sonra başqa təyyarə ilə həyata keçirilib.

Bundan bir neçə gün əvvəl isə "Azimut" aviaşirkətinin Tbilisiyə uçuşu təxminən bir sutka gecikmə ilə baş tutub. Uçuş Moskva vaxtı ilə 11 iyun saat 23:45-də planlaşdırılmışdı, lakin dəfələrlə təxirə salınıb. Telegram kanalı "Baza"nın məlumatına görə, sonradan təhlükəsizlik səbəbilə hava limanının fəaliyyəti məhdudlaşdırılıb.

"Artıq sərnişinlər təyyarədə idi, təyyarə bir neçə dəfə havaya qalxsa da, hər dəfə yerə enməyə məcbur edilib. Nəticədə sərnişinlər təyyarəni tərk etməkdən imtina etdilər, lakin onları təhlükəsizlik xidmətinin əməkdaşları çıxardılar. Bundan sonra sərnişinlərin bir hissəsi Gürcüstana digər aviaşirkətlərin reysləri ilə yola düşdü", – deyə Rusiya mediası yazır.

Xatırladaq ki, son aylarda Rusiyadan Gürcüstana uçan bir neçə aviaşirkətlə bağlı texniki nasazlıqlar və təxirə salınmalarla bağlı xəbərlər dəfələrlə yayılıb.

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin! +995557994415

---