1 sentyabrdan etibarən Gürcüstanda Milli Təhlükəsizlik Şurası ləğv ediləcək.

“Gürcü Arzusu” hökuməti bununla bağlı qanunvericilik təşəbbüsü ilə parlamentə müraciət edib.

Təklif olunan dəyişikliklərə əsasən, Milli Təhlükəsizlik Şurasının səlahiyyətlərini Gürcüstan hökuməti həyata keçirəcək.

Parlament bu dəyişiklikləri qəbul edəcəyi təqdirdə, müvafiq düzəlişlər “Milli təhlükəsizlik siyasətinin planlaşdırılması və koordinasiyası qaydaları haqqında” qanuna daxil ediləcək.

Qanun layihəsinə əsasən, Milli Təhlükəsizlik Şurasının aparatının ləğvi üçün ləğvetmə komissiyası yaradılacaq. Komissiyanın tərkibi, fəaliyyət qaydası və səlahiyyətlərini Gürcüstan hökuməti müəyyən edəcək.

Hökumətin bəyanatında qeyd olunur ki, Milli Təhlükəsizlik Şurasının aparatının aktivləri, o cümlədən Milli Situasiya Otağının fəaliyyətinə cavabdehlik, ləğvetmə komissiyası tərəfindən müvafiq qurumlara ötürüləcək.

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin! +995557994415

---