“Mən İrakli Dğebuadzeyə ilk dəfə baxanda o, üzümə tüpürdü.
İdarənin binasına daxil olanda məni ilk otağa atdılar. Necə izah edim – otağın qapısı elə mənim itələnməyimlə açıldı. Dar bir otaq idi.
Bir qədər sonra içəriyə bir gənc qışqıra-qışqıra, söyüş söyə-söyə daxil oldu. Bağırırdı – necə vura bilərsən deyirdi.
İkinci dəfə otağa girəndə, daha “yaradıcı” söyüşlər deyirdi – xüsusilə qadın olduğum üçün özümü alçaldılmış hiss edəcək şəkildə.
Hər dəfə içəriyə hücum çəkəndə Dqebuadzeyə başqa polis əməkdaşları da qoşulurdu və onu dayandırmağa çalışırdılar ki, mənə zərbə vurmasın.
Bir dəfə, o, mənə yaxınlaşdı, başımı qaldırıb üzünə baxdım və həmin an o, üzümə tüpürdü.”

Mzia Amağlobeli bildirib ki, vəkilin sualına cavab olaraq, saxlanıldıqdan sonra Batumi polis rəisi İrakli Dgebuadze ona hansı ifadələrlə təhqir etdiyini açıq şəkildə təkrarlamaq istəmir:

“Bu barədə danışmaq istəmirəm. Yeganə onu deyə bilərəm ki, prokurorlara demək istəyirəm – qoy təsəvvür etsinlər ki, onların ailəsindəki qadınlar hansı hallarda belə təhqirlərə məruz qala bilərdi. Hakimə isə yazılı şəkildə çatdıra bilərəm Dgebuadzenin mənə dediyi bütün ifadələri. Həmin sözləri xatırlamaq belə mənim üçün çox ağırdır.”