Yanvar–avqust aylarında Bakı–Tbilisi–Ceyhan (BTC) boru kəməri ilə 18,36 milyon ton neft nəql olunub. Bu göstərici ötən ilin eyni dövrü ilə müqayisədə 5,3 faiz azdır.

Məlumatı “Report.az” Azərbaycan Dövlət Statistika Komitəsinə istinadən yayıb.

Hesabat dövründə Azərbaycanın əsas neft kəmərləri ilə daşınan ümumi neftin 74,7 faizi məhz BTC vasitəsilə həyata keçirilib.

BTC ilə daşınan neftin 84,3 faizi, yəni 15,47 milyon tonu Azərbaycanda hasil olunan neft olub. Qalan 15,7 faiz, yəni 2,89 milyon ton isə Türkmənistan və Qazaxıstan mənşəli neftdir.

Yanvar–avqust aylarında BTC ilə nəql olunan Azərbaycan neftinin həcmi 2,1 faiz, Türkmənistan və Qazaxıstandan tranzit isə 19,4 faiz azalıb.

Ümumilikdə, bu ilin ilk səkkiz ayında Azərbaycanın əsas boru kəmərləri ilə 24,57 milyon ton neft daşınıb ki, bu da 2024-cü ilin analoji dövrü ilə müqayisədə 4,8 faiz azdır.

Mənbə: BPN

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Bizi "TikTok"da izləyin.
Bizi "İnstagram"da izləyin.
Bizi "X"da izləyin.
Şahidi olduğunuz hadisələri çəkib bizə göndərin! +995557994415

---