İrakli Kobaxidzenin sözlərinə görə, “Dip State”in Vahid Milli Hərəkatı “Lelo” və “Qaxaria” ilə əvəzləmə planı uğursuz oldu.
Onun dediyinə görə, bu iki partiya “praktiki olaraq artıq silinməli siyahıya düşüb”, çünki 4 oktyabr bələdiyyə seçkilərində çox zəif nəticə göstəriblər, əksinə “Gürcü Arzusu” inamlı qələbə qazanıb.

“Köhnə seçkilərdə, ötən il, Lelo 180 mindən çox səs toplamışdı, indi isə bunun yarısını aldı – halbuki müxalifət cəbhəsində onlara demək olar ki, rəqib yox idi. Qaxarianın partiyası

isə ötən seçkilərdə 160 mindən çox səs almışdı, indi isə təxminən 50 min. Yəni, onların əvəzləmə layihəsi iflasa uğradı,” – deyə Kobaxidze bildirib.

O söz verib ki, “anti-dövlət siyasi güc” – yəni “kollektiv Milli Hərəkat” tam zərərsizləşdiriləcək.

“Gürcü Arzusu” nümayəndələri dəfələrlə açıqlayıblar ki, “kollektiv Milli Hərəkat” dedikdə yalnız Vahid Milli Hərəkat deyil, həm də digər müxalif partiyalar – “Dəyişikliklər Koalisiyası”, “Lelo – Güclü Gürcüstan” və “Qaxaria Gürcüstan üçün” nəzərdə tutulur.

5 oktyabr brifinqində Kobaxidze əlavə edib ki, “kollektiv Milli Hərəkat” anlayışına bunlar da daxildir və onlar da “zərərsizləşdiriləcək”:

• “bu ölkəni rahat buraxmayan bütün xarici agentlər”;
• “xarici xüsusi xidmət orqanlarının təlimat və maliyyəsi ilə hərəkət edən ekstremist qruplar – o cümlədən Saakaşvilinin ailəsinə məxsus edilən bir universitet vasitəsilə”;
• “Qalxan”, “Birlik” kimi təşkilatlar – Kobaxidze bunları da “ekstremist qruplar” adlandırıb.
Baş nazirin sözlərinə görə, son bir ildə küçələrin 50, 100, yaxud 150 nəfərlik qruplar tərəfindən bağlanması da həmin “ekstremist qrupların” iştirakı ilə baş verib və bu qəbuledilməzdir.
“Əlbəttə, bu düzgün deyil – 110 nəfər milyon yüz min nəfərin yolunu kəsə bilməz”, – deyə Kobaxidze bildirib. Onun sözlərinə görə, “ekstremist qrupların” məqsədi “dövlətə, ölkəyə, iqtisadiyyata zərbə vurmaq” idi.

Bələdiyyə seçkilərində müxalifət partiyalarının əksəriyyəti iştirak etməyib. Lelo – Güclü Gürcüstan və Qaxaria Gürcüstan üçün iştirak etsə də, digər müxalif qüvvələr və vətəndaş cəmiyyəti bunu Avropa yönümlü etiraza qarşı atılan addım kimi qiymətləndiriblər.

Kobaxidzenin sözlərinə görə, 4 oktyabrda həm də “Gürcüstanda beşinci Maydan cəhdi” iflasa uğrayıb və “dövlətə və hüquq-mühafizə orqanlarına qarşı zorakılıq törədən bir çox adam cəzalandırılacaq”.

“O vaxt 4-də aksiyanın anonsu veriləndə hamı bilirdi ki, bu devirmə aksiyasıdır. Belə də elan edilmişdi. Kim 4-də aksiyaya gəldisə, devirmə aksiyasına gəldi – hansı ki, Burçuladze və tərəfdaşları tərəfindən elan edilmişdi”, – deyə Kobaxidze bildirib və əlavə edib ki, “hakimiyyəti devirmə” aksiyasına gedib, sonra isə ondan imtina edənlərin davranışı utancvericidir.

4 oktyabrda, bələdiyyə seçkiləri ilə paralel olaraq, “Rustaveli” prospektində “xalq məclisi” elan olunmuşdu. Məqsəd “sülh yolu ilə inqilab”, “sülh yolu ilə devirmə” idi. Tədbir kütləvi olmuşdu.

Vətəndaşlar Azadlıq meydanında toplaşdılar, təşkilatçı Murtaz Zodelavanın çıxışından sonra bir qrup prezident administrasiyasına doğru hərəkət etdi və bir neçə nəfər həyətdəki baryeri aşdı. Təşkilatçılar saxlanıldı, onların arasında opera müğənnisi Paatа Burçuladze də var idi.

Mənbə: radiotavisupleba.ge

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Bizi "TikTok"da izləyin.
Bizi "İnstagram"da izləyin.
Bizi "X"da izləyin.
Şahidi olduğunuz hadisələri çəkib bizə göndərin! +995557994415

---

 

---

Gürcüstanın hər yerindən olan 22 onlayn media birləşdik ki, gec olmadan mübarizə aparaq.
Bu mübarizədə sənin dəstəyin həlledicidir. https://sinatle.media/

Müstəqil onlayn medianı dəstəkləmək üçün ianə et:
# GE76TB7548536080100013
# GE70BG0000000609775306

Repressiv rejim müstəqil onlayn medianı yox etməklə hədələyir. Bu real təhlükəni göstərmək üçün 22 media qurumunun vebsaytı müvəqqəti olaraq dayandırıldı. Bu simvolik addım “İşıq sönməməlidir” kampaniyasından əvvəl həyata keçirildi. Kampaniyanın məqsədi müstəqil medianı qorumaq üçün dəstəkçiləri birləşdirməkdir.