Gürcüstan Daxili İşlər Nazirliyi bəyan edib ki, “bu gün və qarşıdakı günlərdə” keçirilən hər hansı toplanma “hakimiyyətin devrilməsi cəhdinin davamı” hesab

olunacaq və qanunu pozanların müəyyən olunması və məsuliyyətə cəlb edilməsi üçün müvafiq tədbirlər görüləcək.

Bu açıqlama 5 oktyabrda – 4 oktyabr aksiyasının 5 təşkilatçısının saxlanılmasından sonra və vətəndaşların, eləcə də Federalistlər Partiyasının elan etdiyi yeni aksiyadan bir neçə saat öncə yayılıb.

“Cəmiyyətə məlum olduğu kimi, dünən hakimiyyətin devrilməsini hədəfləyən toplantı keçirildi. Toplantı tezliklə qanunsuz xarakter aldı, bundan sonra Gürcüstan Daxili İşlər Nazirliyi qanunun aliliyini qorumaq üçün ən yüksək hüquqi standartlara uyğun proporsional tədbirlər gördü...
Bununla yanaşı, dünənki hadisələrdən çıxış edərək əsaslı hesab edirik ki, bu gün və qarşıdakı günlərdə keçiriləcək hər hansı toplantı dünənki cəhdin davamı olacaq və ictimai asayişə və təhlükəsizliyə təhdidin qarşısını almaq üçün müvafiq tədbirlər görəcəyik.
Hər kəsə çağırış edirik ki, bu şəraiti nəzərə alsınlar və barələrində hüquqi tədbirlərin görülməsinə səbəb ola biləcək hərəkətlərdən çəkinməsinlər”, – deyə DİN-in açıqlamasında bildirilir.

Bununla belə, nazirlik “istənilən toplaşmanın” nə vaxta qədər devrilmə cəhdi hesab olunacağını dəqiqləşdirməyib.

Reaksiya

DİN-in bu bəyanatına artıq “Federalistlər” partiyasının lideri Tamar Çerqoleişvili münasibət bildirib və quruma müraciətlə deyib:

“Sizin açıqlamanızdakı bu konkret hissəyə cavab verirəm: Aksiyalar dayanmayacaq, aksiyalar dinc olacaq. Dünənki gün bir şeyi açıq göstərdi – guya ‘qanuni oğru’ statusu ilə öyünən qazlı lovğaların etirazçı cəmiyyətdə heç bir dayağı yoxdur. On minlərlə insan Rustavelidə qətiyyətlə və dinc şəkildə dayanmışdı, halbuki macərapərəst lovğalar onları hansısa binalara hücuma çağırırdılar. Bu dəfə Saakaşvili adı ilə etirazı dağıda bilməyəcəksiniz.
Biz sakit dayanacağıq və dinc şəkildə bu rejimin təməlini sarsıtmağa davam edəcəyik, çünki onun legitimliyi toyuq ayaqları üstündə dayanır.
Biz bilirik ki, dinc etirazdan qorxursunuz, çünki elə bu yolla sizin əsasınız sarsılır”.

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Bizi "TikTok"da izləyin.
Bizi "İnstagram"da izləyin.
Bizi "X"da izləyin.
Şahidi olduğunuz hadisələri çəkib bizə göndərin! +995557994415

---