Gürcüstan Xəstəliklərə Nəzarət Mərkəzinin keçmiş rəhbəri Amiran Qamkrelidze pediatr-həkim qiorqi (Qoqi) Çaxunaşviliyə dəstəyini ifadə edib.

Həkim 9 oktyabrda – dünən, polis tərəfindən xüsusi səfərbərliklə, 4 oktyabr aksiyası ilə əlaqədar saxlanılmışdı.
“Təsəvvürümə belə gətirə bilmirəm, Qoqi elə nə etmişdi ki, onun bu cür formada – dünən gördüyümüz şəkildə – saxlanılmasına səbəb olsun. Əminəm ki, ədalət öz

yolunu tapacaq!
Ölkədə qərar qəbul edənlərə müraciət edirəm: vəziyyətin daha da gərginləşməsindən çəkinək və bu çıxılmaz vəziyyətdən birgə çıxış yolu tapaq — o, həmişə mövcuddur”, - Qamkrelidze sosial şəbəkə “Facebook”da yazıb.

Professor Çaxunaşvilinin saxlanılmasına həmkarları da münasibət bildiriblər:
• Fransada, Klermon-Ferran Universitet Klinikasının mama-ginekoloqu Revaz Boçorişvili:
“Bu nəcib insana, fədakar, peşəkar, nümunəvi vətəndaş və vətənpərvər cənab Qiorqi Çaxunaşviliyə tam dəstəyimi və həmrəyliyimi bildirirəm.”
• İnfeksionist və “Neolab” klinikasının klinik direktoru Maia Butsaşvili:
“Onun yaşına istinad edilməsini bəyənmirəm — o, bir çox gəncdən daha gəncdir… Daxili İşlər Nazirliyinin dediyinə görə isə, sanki “Marvel” qəhrəmanına çevrilib — dəmir məhəccərləri qoparır və elə supergüclərə malikdir ki, onu saxlamaq üçün guya yüz polis lazım olub.”

71 yaşlı professor Qiorqi Çaxunaşvili pediatr, uşaq kardioloqu-revmatoloqdur. O, Daxili İşlər Nazirliyinin əməkdaşları tərəfindən 4 oktyabrda Tbilisidə keçirilən aksiyada iştirak edərkən tanınıb. Onun saxlanılması üçün paytaxtdakı yaşayış binasının qarşısına — Parlament yaxınlığına, Qardaş Zubalaşvili küçəsinə — onlarla polis cəlb olunub.

Çaxunaşvili 9 oktyabr saat 22:25-də saxlanılıb. Onun saxlanılmasından cəmi bir neçə dəqiqə sonra Daxili İşlər nazirinin müavini Aleksandre Daraxvelidze bildirib ki, 4 oktyabr hadisələri ilə bağlı daha yeddi nəfər də həbs olunub. 10 oktyabr səhərinə olan məlumata görə, saxlanılanların sayı 45-ə çatıb.

Mənbə: radiotavisupleba.ge

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Bizi "TikTok"da izləyin.
Bizi "İnstagram"da izləyin.
Bizi "X"da izləyin.
Şahidi olduğunuz hadisələri çəkib bizə göndərin! +995557994415

---