“Gürcü Arzusu” partiyasının liderlərindən biri və eyni zamanda parlamentin sədri olan Şalva Papuaşvili, Gürcüstan haqqında hazırlanan tənqidi hesabatına

görə Avropa İttifaqını sərt şəkildə tənqid edib.

Parlamentdə keçirdiyi brifinqdə o, Aİ hesabatında işlədilən eyni ifadələri istifadə edərək, Brüsseli “dəyərlərdən geriyə addım atmaqda” ittiham edib.
“Gizli siyasi gündəmlə dolu, təkəbbürlü münasibət və itaətsiz ölkələrə hörmətsizliklə davranan bürokratiya, müstəqil qərar verməyə və dövlətin suveren idarəçiliyindən istifadə etməyə çalışan dövlətlərə təzyiq göstərir.

Bunun bariz nümunəsi bu gün Aİ Komissiyası tərəfindən Gürcüstanla bağlı təqdim olunan genişlənmə hesabatıdır ki, burada da köhnəlmiş siyasi ittihamlar, yalanlar, düşmən ritorikası və məqsədli zərərli yanaşmalar bir-birinə qarışıb.

Bu, Brüsselin kabinetlərindən görünən Gürcüstandır — reallıqla heç bir ortaq nöqtəsi yoxdur.
Aydın şəkildə bəyan edirik: bu cür ədalətsiz, qərəzli, antidemokratik, ölkəni daha çox qütbləşməyə və destruksiyaya aparan münasibət nəticəsində əgər kimsə geriləyibsə, bu, məhz Avropa İttifaqının hazırkı idarəedici institutlarıdır,” – deyə Papuaşvili bildirib.

Xatırladaq ki, 4 noyabrda Aİ-nin 2025-ci il genişlənmə hesabatı dərc olunub. Hesabatda “Gürcüstandakı vəziyyətin kəskin pisləşməsi ilə bağlı ciddi narahatlıq” ifadə olunur.

“Gürcüstan, Aİ-yə üzvlük namizədləri arasında yeganə dövlətdir ki, burada geriləmə — həm də ciddi geriləmə — müşahidə olunur.

Hazırda Gürcüstanın Aİ-yə aparan yolu yoxdur, əgər şərait kəskin dəyişməzsə... O, indi yalnız formal olaraq namizəd ölkədir”, - Aİ-nin Xarici siyasət və təhlükəsizlik məsələləri üzrə ali nümayəndəsi Kaya Kallas bildirib.

Digər ölkələr barədə Aİ-nin qiymətləndirmələri:
• Ukrayna: “Üzvlük, onun üçün təhlükəsizliyin əsas təminatıdır. Müharibə şəraitində belə genişmiqyaslı islahatlar həyata keçirən başqa namizəd ölkə olmayıb.”
• Moldova: “Oktyabr seçkiləri Avropa gələcəyinə aydın ‘bəli’ dedi və ölkə əsas islahatları davam etdirir.”
• Serbiya və Kosovo: “Siyasi böhran irəliləyişi ləngitdi.”
• Bosniya və Herseqovina: “Respublika Srpskada baş verənlər Aİ-yə inteqrasiya prosesini zəiflətdi; əsas irəliləyiş üçün məhkəmə islahatları və əsas danışıqlar nümayəndəsinin təyin edilməsi vacibdir.”
• Şimali Makedoniya: “Lazımi konstitusiya dəyişiklikləri hələ həyata keçirilməyib.”
• Türkiyə: “Hələ də mühüm tərəfdaşdır, lakin demokratik standartların və məhkəmə müstəqilliyinin pisləşməsi 2018-dən bəri genişlənmə prosesini faktiki olaraq dondurub.”
• Gürcüstan: “Hazırda Gürcüstanın Aİ-yə aparan yolu yoxdur, əgər şərait kəskin dəyişməzsə; o, indi yalnız ad olaraq namizəd ölkədir.”

 

Mənbə: radiotavisupleba.ge

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Bizi "TikTok"da izləyin.
Bizi "İnstagram"da izləyin.
Bizi "X"da izləyin.
Şahidi olduğunuz hadisələri çəkib bizə göndərin! +995557994415

---

 

---

Gürcüstanın hər yerindən olan 22 onlayn media birləşdik ki, gec olmadan mübarizə aparaq.
Bu mübarizədə sənin dəstəyin həlledicidir. https://sinatle.media/

Müstəqil onlayn medianı dəstəkləmək üçün ianə et:
# GE76TB7548536080100013
# GE70BG0000000609775306

Repressiv rejim müstəqil onlayn medianı yox etməklə hədələyir. Bu real təhlükəni göstərmək üçün 22 media qurumunun vebsaytı müvəqqəti olaraq dayandırıldı. Bu simvolik addım “İşıq sönməməlidir” kampaniyasından əvvəl həyata keçirildi. Kampaniyanın məqsədi müstəqil medianı qorumaq üçün dəstəkçiləri birləşdirməkdir.