Daxili İşlər Nazirliyinin əməkdaşları bir neçə aylıq istintaq və genişmiqyaslı əməliyyatlar nəticəsində beş cinayət işi üzrə “oğru aləmi” üzvlüyü, “oğru aləminin fəaliyyətinin dəstəklənməsi” və “oğru aləmi üzvünə müraciət etmə” ittihamları ilə 34 nəfəri saxlayıblar. Polis 7 nəfərə qarşı – 2 nəfər cəzaçəkmə müəssisəsində, 4 nəfər xaricdə və bir “qanuni oğru”ya – qiyabi ittiham irəli sürüb.

Əməliyyat zamanı Lagodexi rayonunun Qabal kəndində saxlanmalı şəxslərdən biri, 1973-cü il təvəllüdlü Mirzə Əliyev, məhkəmə tərəfindən həbs qərarı olmasına baxmayaraq, xüsusi təyinatlıların üzərinə atəş açıb. Nəticədə bir xüsusi təyinatlı döş qəfəsinin nahiyəsinə ağır yaralanıb. Polis əməkdaşlarının cavab atəşi ilə Mirzə Əliyev hadisə yerində zərərsizləşdirilib.

Polis əməliyyatı eyni vaxtda Mərkəzi Cinayət Polisi, Tbilisi, Kaxeti, Mtsxeta-Mtianeti və ölkə üzrə Xüsusi Tapşırıqlar Departamentlərinin əməkdaşları tərəfindən həyata keçirilib.

Cinayətlər 15 ilə qədər azadlıqdan məhrumetmə cəzası nəzərdə tutur.

Aparılmış gizli istintaq hərəkətləri və toplanmış sübutlar göstərir ki, saxlanılan şəxslər “oğru aləmi”nin üzvləri və dəstəkçiləri olaraq vətəndaşlar arasında maliyyə mübahisələrinin həllində iştirak ediblər. Onlar xaricdə olan “qanuni oğru”larla əlaqə saxlayıb, onlardan müxtəlif tapşırıqlar alıblar və sonra bu tapşırıqları yerinə yetiriblər.

Məlum olub ki, ittiham olunanlar və tələb edən tərəflər arasında təşkil olunmuş “oğru” mübahisələrində pozuntuya yol verənlərdən cərimə tələb edilirdi və onlara ölüm təhdidi edilirdi. Bu cinayət fəaliyyətində digər şəxslərlə yanaşı, kriminal avtoritet Elmuraz Məmmədov da fəal iştirak edib və mühüm rol oynayıb.

Polisin ittiham olunanların şəxsi və yaşayış yerlərində apardığı axtarışlar zamanı sübut kimi kompüter texnikası və mobil telefonlar götürülüb. Bu vasitələrlə onlar həm bir-biri ilə, həm də xaricdəki “qanuni oğru”larla əlaqə saxlayırdılar. Həmçinin narkotik vasitələr, odlu silahlar və böyük məbləğdə nağd pul maddi sübut kimi götürülüb.

İstintaq Gürcüstan Cinayət Məcəlləsinin 223-cü maddəsinin I hissəsi, 223-cü maddənin II hissəsi və 223-cü maddənin I və II hissələri, eləcə də 109 və 181-ci maddələri üzrə davam edir.

Eyni kompleks tədbirlər çərçivəsində Tbilisi Polis Departamentinin əməkdaşları David Mikadzenin mühafizə rəisi David Çubinidzeni də həbs ediblər. Onun barəsində 236-cı maddənin VI bəndi və 237-ci maddənin III hissəsi üzrə istintaq aparılır.

Araşdırma müəyyən edib ki, 2021-ci ilin sentyabrında David Çubinidze və David Mikadze əvvəlcədən əlbir olaraq Vaxtrang Kobiyaşvili adına qeydiyyatda olan beş odlu silaha sahib çıxıblar. Onlardan biri qeyri-qanuni şəkildə üçüncü şəxslərə satılıb.

Hazırda həmin cinayət işi üzrə David Çubinidze ittiham edilən şəxs qismində tutulub. Mikadze isə barəsində ittihamlar ona iştirakı olmadan elan olunub.

Gürcüstan Daxili İşlər Nazirliyi təşkilatlanmış cinayətkarlığa qarşı mübarizəni davam etdirəcək və hər cür müqavimətə baxmayaraq kriminal səviyyəni ölkədə tarixi minimuma endirməyə çalışacaq.