Rusiyanın Müdafiə Nazirliyi noyabrın 5-də bildirib ki, Pokrovskdakı qüvvələri şimala doğru irəliləyir, Ukraynanın mühasirəni yarmaq cəhdlərinin qarşısını alıb.

Moskva ötən ildən Pokrovsku tutmağa, Donbas vilayətini tam ələ keçirməyə çalışır. Ukrayna hazırda vilayətin 10 faizinə nəzarət edir.

“Reuters” xəbər verir ki, Rusiya çərşənbə günü Pokrovsk və Kupyanskdakı Ukrayna qüvvələrinin mühasirəyə salındığını bildirib. Moskva deyir ki, ukraynalılar təslim olmalıdırlar, əks halda sağ qalmaq şansları yoxdur.

Cəbhə zonasının xəritələri Rusiya qüvvələrinin Pokrovsku tam mühasirəyə salmasına cəmi bir neçə kilometr qaldığını, Kupyanskın isə əhəmiyyətli hissəsinə nəzarət etdiyini göstərir.

Rusiyanın son açıqlamalarına Ukrayna hələlik, münasibət bildirməyib.

Ancaq Ukrayna prezidenti Volodimir Zelenski noyabrın 3-də deyirdi ki, Ukrayna qüvvələri Kupyanskı 60 Rusiya əsgərindən təmizləməyə çalışır.

4 noyabr
Rusiya Pokrovskda mühasirəsini gücləndirdiyini bildirir
Rusiya Müdafiə Nazirliyi noyabrın 4-də bildirib ki, Pokrovskda Ukrayna qoşunlarının mühasirəsini gücləndirir. Moskva bir ildən çoxdur bu nəqliyyat və logistika mərkəzini ələ keçirməyə çalışır.

TASS dövlət agentliyi nazirliyə istinadla xəbər verir ki, Rusiya qüvvələri Pokrovskda 35 binanı Ukrayna hərbçilərindən "təmizləyib".

Rusiya həmçinin Xarkov vilayətinin Kupyansk şəhəri yaxınlığında da Ukrayna qoşunlarını mühasirəyə almağı gücləndirir.

Döyüş bölgəsindən gələn məlumatları müstəqil təsdiqlətmək mümkün olmayıb.

Ukrayna hər iki ərazidə qoşunlarının mühasirəyə salındığı barədə iddiaları təkzib edib.

27 oktyabr
Rusiya qoşunlarının Pokrovska daxil olduğu bildirilir
Kiyev Rusiyanın quru qoşunlarının strateji əhəmiyyətli Pokrovsk şəhərinə daxil olduğunu təsdiqləyib. Prezident Volodimir Zelenski vəziyyəti "çətin" adlandırıb, şəhərin mərkəzi və ətrafında şiddətli döyüşlərin getdiyini bildirib.

Zelenski oktyabrın 26-da gecə müraciətində deyib ki, Rusiya çoxlu sayda hərbi qüvvəsini Pokrovsk və yaxınlıqdakı Mirnoqrad şəhəri ətrafında cəmləşdirib. Uzun müddətdir Ukraynanın bu şərq regionunda döyüşlər gedir.

"Rusiya əsas zərbə qüvvəsini məhz Pokrovsk yaxınlığında cəmləyib", – Zelenski deyib.

Amma prezident Ukrayna qüvvələri əsas müdafiə xətlərini saxladığını vurğulayıb.

Pokrovsk çoxdan hədəfdə idi
Müharibədən öncə 60 min əhalisi olan, indi isə təxminən 7 min nəfərin qaldığı Pokrovsk vacib yol və dəmiryol qovşağıdır. Bu ili şəhər Rusiya qüvvələrinin mühasirəsinə düşmə təhlükəsi altında keçirib.

Oktyabrın əvvəlində Rusiya prezidenti Vladimir Putin qoşunlarının şəhərə daxil olduğunu iddia edib. Amma Ukrayna rəsmiləri bunu təkzib edib, Kreml qüvvələrinin ağır itkilər verdiyini açıqlayıb.

Oktyabrın 26-da Ukrayna Baş Qərargahı bəyan edib ki, ümumi sayı 200 nəfər olan, bir neçə kiçik Rusiya piyada bölməsi müdafiə xətlərini keçərək Pokrovsk daxilində mövqelər qurur.

"Müdafiə qüvvələri düşmən hücumlarını dəf edir. Düşmən böyük itkilər verir", – Baş Qərargah bildirib.

Regiondan gələn xəbərlər hələ müstəqil təsdiqini tapmayıb.

Atəşkəs səyləri dalana dirənib
Təxminən dörd ildir gedən müharibədə atəşkəs cəhdləri nəticəsiz qalıb.

ABŞ prezidenti Donald Tramp oktyabrın 25-də bildirib ki, Kreml lideri Putinin müharibəni bitirmək üçün razılığa gəlməyə hazır deyilsə, onunla görüşə "vaxt itirməyəcək".

"Bilməlisiniz ki, biz razılaşma əldə edəcəyik. Vaxtımı boş yerə sərf etməyəcəyəm", – Tramp jurnalistlərə deyib.

"Vladimir Putinlə münasibətlərim həmişə yaxşı olub, amma bu durum çox məyusedicidir. Düşünürdüm ki, bu məsələ Yaxın Şərqdə sülh əldə olunmazdan əvvəl həllini tapacaq", – o əlavə edib.

Tramp daha öncə Putinlə bir neçə həftə ərzində Budapeştdə görüşməyi planlaşdırdığını bildirib. Ancaq ABŞ prezidenti sonradan görüşü ləğv edib, onun başqa vaxt keçirilə biləcəyini deyib.

Mənbə: Azadlıq Radiosu

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Bizi "TikTok"da izləyin.
Bizi "İnstagram"da izləyin.
Bizi "X"da izləyin.
Şahidi olduğunuz hadisələri çəkib bizə göndərin! +995557994415

---

Gürcüstanın hər yerindən olan 22 onlayn media birləşdik ki, gec olmadan mübarizə aparaq.
Bu mübarizədə sənin dəstəyin həlledicidir. https://sinatle.media/

Müstəqil onlayn medianı dəstəkləmək üçün ianə et:
# GE76TB7548536080100013
# GE70BG0000000609775306

Repressiv rejim müstəqil onlayn medianı yox etməklə hədələyir. Bu real təhlükəni göstərmək üçün 22 media qurumunun vebsaytı müvəqqəti olaraq dayandırıldı. Bu simvolik addım “İşıq sönməməlidir” kampaniyasından əvvəl həyata keçirildi. Kampaniyanın məqsədi müstəqil medianı qorumaq üçün dəstəkçiləri birləşdirməkdir.